Flash News

Nuk është naftë, por mut… për të shpëlarë inceneratorët

Tronditje në qeverinë e Johnson, japin dorëheqjen dy ministrat e kabinetit britanik

Mali i Zi më afër BE-së, mediat vendase zbardhin ‘paktin’ e fshehtë të Gjukanoviç me liderët evropianë

63 mln euro mashtrim me TVSH, të përfshira kompani që fitojnë kontrata publike

Rritet ndjeshëm numri i të prekurve me Covid-19, dy humbje jete në 24 orët e fundit

E-TJERA

Grekët dënojnë aktivitetin e çamëve: Rrëshqitja nacionaliste që kultivon urrejtjen

Politiko 22 Qershor 2022, 08:44

Grekët dënojnë aktivitetin e çamëve: Rrëshqitja

Bashkimi Demokratik i Minoritetit Etnik Grek ka reaguar për aktivitetin e zhvilluar të hënën në sallën e Kuvendit nga përfaqësuesit e komunitetit çam në Shqipëri dhe Partia për Drejtësi, Integrim dhe Unitet për të kujtuar gjenocidin grek.

Në një deklaratë për mediat, thuhet se aktiviteti ishte shfaqje e anti-helenizmit, kultivimit të urrejtjes ndëretnike dhe në kundërshtim me nevojat për paqe e stabilitet në rajon.

Sipas Bashkimit Demokratik i Minoritetit Etnik Grek, përgjegjësia bie mbi organizatorët dhe autoritetet që vunë në dispozicion mbajtjen e aktivitetet në ambientet e Parlamentit.

Duke e konsideruar “shkarje”, thuhet se aktiviteti nuk i shërben stabilitetit në Rajon.

Reagimi i plotë:

Bashkimi Demokratik i Minoritetit Etnik Grek dënon publikisht dhe paralajmëron për pasojat e akteve si ato manifestimet e ditës së djeshme të fanatizmit, antihelenizmit, kultivimit të urrejtjes ndëretnike dhe natyrisht në kundërshtim të plotë me nevojat reale për paqe dhe stabilitet në rajon.

Përgjegjës janë si organizatorët që janë formacione politike dhe organizata publikisht të njohura nga nxiten dhe financohen, por njëherësh edhe autoritetet e ngarkuara nga ligji dhe kompetenca për mbarëvajtjen e Parlamentit. Vënia në dispozicion e Sallës së Seancave Plenare të Kuvendit të Shqipërisë si edhe publiciteti në mjetet digjitale të informacionit të atashuara në emër të tij, dëshmojnë madje distancën mes retorikës mbi mundësitë e zhvillimit të marrëdhënieve ndërshtetërore mes Greqisë dhe Shqipërisë dhe mendimesh të dyta që frymëzohen nga nacionalizmi dhe urrejtja ndëretnike.

Si kjo shkarje edhe ato që planifikohen të vijojnë ditët në vazhdim natyrisht që përbëjnë shërbimin më të keq ndaj nevojave që realisht ka rajoni ynë, shoqëria Shqiptare që aspiron evropianizimin dhe emancipimin e jetës publike.

Ndjenjat reale të popullit Grek, të Helenizmit mbarë i njeh tashmë çdo shqiptar dhe qelizë familjare në komunikim të përditshëm dhe kontribues në përmirësimin e nivelit ekonomik, kulturor dhe arsimor. Kushdo që përpiqet në pretendimin e së kundërtës është spekulant ndaj historisë dhe mohues i realitetit.

 

Të fundit