Flash News

Vajza qëllon me thikë babain në Vlorë

‘500 mijë lekë për 5 vota’! Kërcënohet autori i videos që dokumentoi si i bleu Rama votuesit në Dibër

Sara Mila, ‘fenomeni i çuditshëm’ i zgjedhjeve të Elbasanit

Nga Talo Çela dhe Vis Martinaj, SPAK mbyll hetimet, dërgon për gjykim dosjen 'Plumbi i Artë'

Kur Kristiani luan me dy porta...i troket SPAK te porta

E-TJERA

Greqi/ 41-vjeçari rrëmbehet dhe dhunohet në Kostur, një shqiptar në kërkim

Politiko 17 Dhjetor 2024, 17:40

Greqi/ 41-vjeçari rrëmbehet dhe dhunohet në Kostur, një
Një ngjarje e rëndë është regjistruar në Kostur, pranë kufirit me Shqipërinë, ku një 41-vjeçar grek është marrë peng dhe dhunuar. Viktima ka hipur në automjetin e një 37-vjeçari shqiptar, i cili nën kërcënimin e pistole dhe me përdorim dhune, e ka dërguar atë në një zonë pyjore të Kosturit.

41-vjeçari, në rrethana ende të paqarta, ka arritur të lirohet dhe të denoncojë ngjarjen në polici. Menjëherë pas denoncimit, autoritetet kanë identifikuar mjetin e përdorur për rrëmbimin, i cili rezulton të ishte marrë me qira.

Policia ka pikasur automjetin në zonën e Kosturit, ku brenda tij ndodheshin një 29-vjeçar grek si pasagjer dhe një 25-vjeçare greke si drejtuesja e mjetit. Hetimet zbuluan se ishte 29-vjeçari grek ai që kishte marrë mjetin me qira dhe ia kishte dhënë shqiptarit për të kryer pengmarrjen.

Dyshohet për larje hesapesh për drogë
Nga të dhënat paraprake të hetimeve, ngjarja lidhet me larje hesapesh për çështje droge. Të arrestuarit kanë një të shkuar problematike me drejtësinë.

29-vjeçari grek dhe 37-vjeçari shqiptar ishin arrestuar më 11 dhjetor të këtij viti për dy çështje të ndryshme, por më pas janë liruar.

Shqiptari rezultonte i dënuar me 1 vit e 3 muaj burg dhe një gjobë prej 3,000 eurosh për shkelje të ligjit për të huajt dhe për dëshmi të rreme.


Greku ishte arrestuar pas kontrollit në banesat e tij, ku u gjetën dhe sekuestruan sasi droge si marijuanë, hashash dhe kokainë, 2 pistoleta, municion dhe shuma parash.

Të fundit