Gruaja e Tahirit me kompani, gazetari nxjerr dokumentet: Të kesh “kriza” e të jesh biznesmene, sikur nuk shkon

Ish-ministri i Brendshëm, Saimir Tahiri u lirua me kusht të premten, pasi gjykata e Elbasani i caktoi masën e sigurisë “arrest shtëpie” për të vijuar dënimin e mbeutr, 1 vite e 8 muaj.

Tahiri dorëzoi në gjykatë dy akt ekspertiza sipas të cilave bashkëshortja e ish-ministri vuan nga një sëmundje dhe e ka të pamundur të kujdeset për fëmijët, ndaj Tahiri kërkoi lirimin.

Gazetari Flamur Vezaj ka ndarë në një postim në Facebook, disa të dhëna dhe pasqyra financiare të marra në QKB, sipas së cilave bashkëshortja e Tahirit rezulton të jetë biznesmen në një kompani aktive.

Vezaj shkruan se gruaja e Tahirit, për të cilën ish-ministri dhe avokati thanë se vuan nga një smëundje, rezulton të jetë biznesmene në një kompani të quajtur “HTC GROUP” e cila ofron shërbime mjekësore për shtetas të huaj si, rregullim dhëmbësh apo mbjellje flokësh.

Gazetari thotë se kompania ku bashkëshortja e Tahirit është biznesmene rezulton të jetë aktive, madje mjaft fitimprurëse sipas raporteve të QKB.

Postimi:

Lirohet Tahiri, gruaja biznesmene por me kriza!!

Gjykata e reformuar e paska liruar kampionin e “suksesit” Saimir Tahirin i njohur ndryshe edhe si kampioni i “gjelberimit” te pyllit orbital si Shqiperia! Arsyeja, referuar medias, probleme krizazh shendetesore te bashkshortes dhe “kampioni” Tahiri do te kujdeset per femijet! Shume mire bene, baba shembullor te bene burgu dhe te kaluara bashkshortes!

Por sipas QKB-se bashkshortja e Tahirit eshte nje biznesmene e suksesshme me kompanin “HTC GROUP” ose “Health Tourism Albania” thene ndryshe kompani qe ofron per shtetasve te huaj turizem mjekesore! Mbjellje flokesh, rregullim dhembesh, nena sorogato (mitra te grave me qera), sherbime tjera mjekesore qe nga 2018 e shume shume sherbime tjera! E ta shohesh ne QKB kjo kompania eshte aktive dhe fitimprurese sipas deklarimeve financiare nder vite! E sipas nje logjike, te kesh “kriza shendetesore” e te jesh biznesmene e suksesshme sikur nuk shkon!

Gjithesesi edhe Tahiri si shume te “forte” te tjere ka gjetur arsye “bindese” qe gjyqtarja e reformuar ti jap liri! Pasi nofken e te “fortit” e ka marr nga shoqeria para dhe gjate burgut me te “fortet”! Sidomos me hyrjen ne burg, pasi gojet e liga thone se kishte bere shoqeri edhe me Safet Bajrin e famshem te krimit te organizuar ne Shkoder e jo vetem! E kjo shoqeri dhe nofka e te “fortit” Eshte e mjaftueshme per gjyqtaret e reformuar qe te lirohen!

Por SPAK-u apo prokuroria e Tiranes, cfare kane bere per hetimin pasuror te “kampionit” te gjelberimit, bashkeshortes e familjareve te tjere!??? Asgje! Keshtu qe i e nuk cuditem qe ai i lirua, pasi te “fortet” apo njerez me pushtet qe kane njohje gjithmone kane gjete arsye proceduriale e shendetesore me dal nga burgu! Eshte nje praktike qe vazhdon ne Shqiperi!