“Hallall ma bëj gjirin"/ Alarm për fatin e Orgel Fushës në Spanjë: Mesazhi i frikshëm për familjarët

Familjarët e Orgel Fushës janë në alarm pas një mesazhi të frikshëm që ai u ka dërguar, duke i kërkuar të kujdesen për fëmijët. 37-vjeçari, i cili ka qenë në Spanjë për gjashtë muaj, ka shkëputur kontaktet me të afërmit e tij, çka ka ngritur shqetësime të mëdha për sigurinë e tij.

“Hallall ma bëj gjirin, fëmijët bab shikoji. Bëhu e fortë,” ishte mesazhi i fundit që ai i dërgoi nënës së tij, duke lënë dyshime të forta për gjendjen e tij.

Motra e Orgelit, duke folur për emisionin “Shqipëri Live”, ka ndarë bisedat e fundit me të. Ajo tregoi se gjatë bisedës së fundit, ai i ka thënë se ndjehej në rrezik. “I kam dërguar foto të fëmijëve, ai qau dhe më mbylli telefonin,” tha ajo. Ajo gjithashtu tha se ai kishte fikur telefonin pas asaj bisede dhe se nuk u përgjigj më, pavarësisht përpjekjeve për të marrë informacion mbi vendndodhjen e tij.

Duke u mbështetur në këto detaje, familjarët janë të shqetësuar për fatin e Orgelit dhe kërkojnë ndihmë për të zbardhur situatën e tij.

Pjesë nga intervista:

Pyetje: E vure re të ishte i shqetësuar? Pse nisi të qante? Pse tha jam në rrezik?

Motra e Orgelit: Nuk e di as vetë, ai nuk tregonte. Ishte shumë i mbyllur

Pyetje:  Në çfarë vendi të Spanjës qëndronte vëllai dhe me kë qëndronte

Motra e Orgelit: Me shokët iku, unë as nuk i njoh. Vetëm na thoshte që jam Spanja. Edhe kur i thashë ik nga ai vend ku je se je në rrezik, më ka thënë ‘nuk kam lekë, nuk di rrugë ku të shkoj’.

Pyetje: Sa fëmijë ka vëllai juaj

Pyetje: Nëse mund t’ju pyes, vëllai juaj është ende i martuar

Motra e Orgelit: Është i ndarë

Pyetje: Ju nuk keni asnjë lloj kontakti të miqve të tij në Spanjë, që mund t’i pyesni

Motra e Orgelit: Asnjë! Ne një lajm presim, të na thotë që është gjallë, ose çfarë ka ndodhur me të. Vetëm të na kontaktojnë ku është

Pyetje: Çfarë kujtoni nga biseda e fundit me të, çfarë detajesh mbani mend, ku ndodhej

Motra e Orgelit: Nuk e di, ishte errësirë, ishte shumë i frikësuar