Flash News

Goditet grupi i shpërndarësve të dr*gës, lëshohen 9 urdhër-arreste

Aksident në rrugën e Unazës, dy persona të plagosur

Shqiptari plagoset rëndë në Greqi, niset me urgjencë drejt Athinës

Punonjësi i policisë ra nga pallati në Tiranë, AMP: Nuk ka pretendime nga efektivi për presion

Gjendet pa shenja jete 36-vjeçari në Durrës, dyshimet e para nga policia

E-TJERA

Hasani takon ministrin ukrainas: Dënojmë agresionin rus, Kuleba përshëndet në shqip: Rroftë Ukraina!

Politiko 28 Shkurt 2024, 08:41

Hasani takon ministrin ukrainas: Dënojmë agresionin rus, Kuleba

Ministri i Jashtëm Igli Hasani ka zhvilluar një konferencë të përbashkët me homologun ukrainas, Dmitro Kuleba, pas takimit kokë më kokë.

Hasani u shpreh në fjalën e tij se kishte diskutuar me ministrin ukrainas për ndihmën ekonomike që Shqipëria mund të ofrojë për Ukrainën, teksa shpresoi që ky samit të jetë frytdhënës për perspektivën e së ardhmes së Ukrainës.

“Shqipëria dënon me forcë agresionin rus ndaj Ukrainës. Hapja e Ambasadës tonë në Kiev, shpresojmë brenda këtij viti. Diskutuam për avancimin e marrëdhënieve të mira Shqipëri-Ukrainë. Në fokus të bisedës, ndihma ekonomike që Shqipëria mund të ofrojë për Ukrainën. Kemi diskutuar për mënyrat e rritjes ekonomike. Ukraina është e vendosur që e ardhmja e saj të jetë në krah lirive evropiane. Uroj që ky samit, të jetë frytdhënës dhe të ofroj perspektiva të reja për të ardhmen e Ukrainës”, tha Hasani.

Nga ana tjetër, Kuleba e vlerësoi vendin tonë si një mike të Ukrainës teksa falënderoi për çdo ndihmë që Shqipëria ka ofruar deri tani. Në fund, Kuleba përshëndeti në shqip duke thënë “Të dashur miq, rroftë Ukraina”.

“Është mirë të jesh në Tiranë si pjesë e delegacionit që shoqëron presidentin Zelensky. Samiti tregon se sa vlerësim gëzon Shqipëria në rajon. Sot diskutuam bashkëpunimin dypalësh, Shqipëria mike e mirë e Ukrainës, dua ta falenderoj për ndërmarrjen humantiare për rehabilitimin e fëmijëve ukrainas prindërit e të cilëve janë vrarë në luftë. Çdo mbështetje është e vlerësuar.

Më kujtohet me mirënjohje mandati i Shqipërisë në Këshillin e Sigurimit dhe mënyra si keni marrë pjesë në diskutimet për Ukrainën. Informova ministrin për situatën në front dhe sulmet me dronë e raketa. E rëndësishme që Rusia të mbahet përgjegjëse për krime te agresionit dhe krimet e luftës.

Pritshmëritë tona është që një nga rezultatet e samitit të Uashingtoonit do jetë që Ukrainë do të jetë një hap më pranë anëtarësimit. Të dashur miq, rroftë Ukraina!”, u shpreh Kuleba.

Të fundit