Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Helmimi në Krujë/ PD kërkon ndryshimin e rendit të ditës në Kuvend, Balla: S’do e kthejmë në instrument diskutimi

Politiko 28 Tetor 2021, 10:23

Helmimi në Krujë/ PD kërkon ndryshimin e rendit të

Ka nisur seanca plenare e Kuvendit. Kreu i grupit parlamentar të PD-së Alfred Rushaj kërkoi që të ndryshohet rendi i ditës për të diskutuar fillimisht lidhur me situatën e krijuar në Krujë pas helmimit të afro 600 qytetarëve.

Sipas Rushaj, rasti i Krujës është një ngjarje që kërkon jo vetëm prova, fakte dhe hetime, por edhe diskutim “si një detyrë e Kuvendit të Shqipërisë”. Ai kërkoi që të hidhej në votim për të vendosur ndryshimin e rendit.

Nga ana tjetër kreu i Grupit Parlamentar të PS-së Taulant Balla rrëzoi kërkesën e opozitës për të ndryshuar rendin e ditës. Balla theksoi se rendi i ditës mund të ndryshohet vetëm në rastet kur kërkesa vjen për një projektligj, projektvendim ose interpelancë. “Nuk ka akt. Nuk ka asnjë projektligj, asnjë projekt vendim, asnjë interpelancë, që parlamenti sipas oreksit tuaj të kthehet në një instrument diskutimi. Nuk kemi çfarë të votojmë,” u shpreh Balla.

BISEDA E PLOTË:

Rushaj: Ne sapo paraqitëm kërkesën të firmosur nga 10 deputetë dhe kërkojmë të votohet ndryshimi i rendit të ditës dhe të vendos i pikë e parë diskutimi për situatën emergjente nga helmimi në Krujë. Kuvendi i Shqipërisë e ka detyrë të diskutojë për këtë ngjarje të rëndë.

Balla: Nuk e di që Kuvendi ka detyrë të bëjë qoftë hetime penale qoftë mjekësore, e kanë detyrë autoritetet. Qoftë ministrja e Shëndetësisë apo edhe Ministri i Brendshëm do na japin një informacion të plotë. Sa i përket sugjerimit për kërkesën pa mbulim. Në Kuvend mund të kërkosh ndryshimin e rendit vetëm për një ligj ose interpelancë. Në këtë këndvështrim gëzoni gjithë të drejtën Rushaj dhe grupi juaj parlamentar të kërkoni interpelancë. Unë do sugjeroja që ngjarje të tilla të kenë sa më pak politizim dhe sa më shumë hetim. Kështu që faleminderit.

Rushaj: Në nuk kërkuam as hetime penale asgjë tjetër. Kërkuam që në përputhje me nenin e rregullores, të ndryshojë rendi i ditës dhe të fillojmë me diskutime. Për një ngjarje që është shumë e rëndë mendoj unë. Deputetët e Qarkut të Krujës janë të shqetësuar të dinë si ka ndodhur dhe pse ka ndodhur. Ne kemi mbështetje. Unë iu ftoj që ta votojmë.

Balla: Nuk ka akt. Nuk ka asnjë projektligj, asnjë projekt vendim, asnjë interpelancë, që parlamenti sipas oreksit tuaj të kthehet në një instrument diskutimi. Nuk kemi çfarë të votojmë. Besoj se nuk ka vend. Dhe mos kthehet në praktikë të çohet një deputet nga opozita të hedhë kërkesë për diskutim.

Rushaj: Unë nuk kërkova të nxjerrim një ligj të veçantë. Për çështjen e provës dhe faktit ka qindra të sëmurë atje prej disa ditësh. Mjafton të kërkojmë vëmendjen tonë dhe të shprehin shqetësimet e tyre. Unë sidoqoftë propozoj të hedhim në votë e të ndryshojmë rendin e ditës.