Heronjtë e pandemisë, njerëzit që punuan në çdo moment pavarësisht rrezikut

Pandemia Covid-19 nxori në pah sakrificën e disa prej njerëzve që punuan në kushte aspak të zakonshme, duke rrezikuar shëndetin dhe jetën e tyre. Mjekët, mësuesit, efektivët e policisë dhe gazetarët ishin në vijën e parë të rrezikut duke mos e ndërprerë punën në asnjë moment.

Bluzat e bardha punuan pa orar, shpesh edhe të zhveshur ndaj rrezikut për të përmbushur misionin e tyre, të shpëtonin sa më shumë jetë. Mjekë që kishin dalë në pension, u rikthyen sërish për t’u shërbyer qytetarëve. Studentë të mjekësisë dhe infermierë iu përgjigjën thirrjes për të dhënë mbështetjen e tyre në këtë betejë. Më poshtë do ju sjellim disa nga fotot, që tregojnë sakrificën e këtyre heronjëve:

Në përballjen me armikun e padukshëm humbën jetën jo pak, por 27 mjekë.

Mjekët që kanë humbur betejën me Covid janë:

Anibal Byberi (53 vjeç) – mjek i përgjithshëm, Bajram Curri.

Astrit Haziri (54 vjeç) – mjek i përgjithshëm, Kukës.

Arian Pushi (58 vjeç) – mjek hematolog, Tiranë.

Agron Menzelxhiu (71 vjeç) – kirurg, Elbasan.

Memo Boçi (81 vjeç) – epidemiolog, Tiranë.

Hysni Shkjau (69 vjeç) – mjek familje, Pukë.

Vilson Topulli (73 vjeç) – epidemiolog, Tiranë.

Zyliha Kraja (78 vjeçe) – kirurge, Shkodër.

Esat Pashaj (71 vjeç) – mjek i përgjithshëm, Skrapar.

Muharrem Xhepexhiu (64 vjeç) – mjek familjeje, Lushnjë.

Sefer Dervishi (61 vjeç) – mjek familjeje, Kavajë.

Ilirjan Draçi (66 vjeç) – mjek i përgjithshëm, Tiranë.

Hidajet Deda (67 vjeç) – pediatër, Kavajë.

Eduart Dhamo (57 vjeç) – mjek i përgjithshëm, Lushnjë.

Shaqir Shehu (68 vjeç) – kirurg, Kukës.

Ibrahim Kaziu (68 vjeç) – pneumolog, Dibër.

Ferdinand Shkrepa (68 vjeç) – okulist, Elbasan.

Bledi Nini (48 vjeç) – otorinolaringolog, Tiranë.

Myftar Zemani (78 vjeç) – mjek familjeje, Fier.

Leonard Kamberi (47 vjeç) – gjinekolog, Vlorë.

Suela Muça (48 vjeçe) – gjinekologe, Tiranë

Drini Dobi (51 vjeç) – neurolog, Tiranë

Raimonda Lengu – mjeke familje, Tirane

Flutura Hashorva – mjeke pneumologe

Mihal Kerci-anstezist reanimator

Sali Baco-neuropsikiatër, Elbasan

Hiqmet Musta-radiolog, Kavajë

Mësimdhënia është një tjetër profesion që u zhvillua edhe pse në kushtet e vështira të pandemisë. Brenda një kohe shumë të shkurtër mësuesit duhet të përshtateshin me platformat online dhe të ndryshonin strategjinë e mësimdhënies. Ndërkohë me hapjen e shkollave ata duhet të punojnë me orare të zgjatura për shkak të rregullave që imponon pandemia. Nuk ka një shifër zyrtare për numrin e arsimtarëve të prekur nga Covid-19. Ministria e Shëndetësisë se rastet e regjistruara nuk rrezikojnë mbylljen e shkollave.

Kur frika dhe ankthi kishte pushtuar gjithë botën, gazetarët ishin në frontin e raportimit. Gazetarët e terrenit janë më të rrezikuarit, e sidomos ata që raportojnë nga vija e parë e rrezikut, spitali Infektiv, Biznesi i medias, punëdhënës për rreth 6120 gazetarë, redaktorë, operatorë dhe staf mbështetës u përball me një krizë të pazakontë, si pasojë e tërheqjes së reklamave. Misioni për të informuar publikun nuk u ndërpre në asnjë moment të pandemisë.

 

As Policia e Shtetit nuk e ndërpreu punën, pavarësisht pandemisë. Efektivët u angazhuan në terren për të mbikqyrur respektimin e masave anti-Covid. Ky ishte një vit aspak i zakontë për ta, pasi puna e tyre u përqëndrua në një drejtim të panjohur më parë.