Flash News

U ekstradua nga Spanja, mbërrin në Rinas Lulzim Berisha

Tiranë/ Gjendet 'shtëpi bari' në Laknas, arrestohet punonjësi i OSHEE

A do të mbyllet lufta? Trump ngre shpresat me një armëpushim të plotë

Sonte pritet të ekstradohet në Tiranë ish-kreu i bandës së Durrësit, Lulzim Berisha

Lufta në Ukrainë/ Përfundon telefonata Trump-Putin, zgjati rreth 90 minuta

E-TJERA

Hoxha: Narkotrafiku na ka ekspozuar në tregun ndërkombëtar të k*kainës

Politiko 15 Korrik 2024, 22:45

Hoxha: Narkotrafiku na ka ekspozuar në tregun ndërkombëtar

Artan Hoxha ka folur për organizatat kriminale shqiptare kryesore, të cilat operojnë jo vetëm në vendin tonë, por tashmë janë shtrirë në disa kontinente dhe merren kryesisht me trafikun e narkotikëve.

Në MCN, ai tha se personat më problematikë që ka Shqipëria ndodhen në Dubai kryesisht të tjerët janë të shpërndarë në Evropë, Amerikën Latine dhe një pjesë që ka siguri janë në Shqipëri.

"Kur flasim për krimin e organizuar shqiptar narkotrafikun kryesisht se ai na ka ekspozuar na ka bërë të rëndësishëm në tregun ndërkombëtar të kokainës dhe kjo është e dukshme tani, dhe kur përmendim këtë gjë dhe i referohemi organizatave më të mëdha, unë kam një kriter shoh organizata kriminale të evidentuara për të cilat ka pasur hetime të cilat mund të jenë në proces gjykimi dhe pjesa tjetër është e organizatave kriminale që janë të paekspozuara që janë në aktivitet e sipër të cilat mund të jenë në vëzhgim, survejim.

Sot Shqipëria në përmasa të jashtëzakonshme ne kemi organizata kriminale që janë gjykuar dhe dënuar në SHBA. Rasti i fundit është një person që sapo erdhi në Shqipëri ju bllokuan 1.2 mln dollarë, donin të krijonin laborator për prodhimin e drogërave sintetike në Durrës dhe Kosovë me familjarët një politikani të rëndësishëm iku nga Shqipëria dhe tani është i arrestuar atje në SHBA.

Po para tij ishte një grup i madh i ekspozuar për shkak të vrasjes dhe ra në sy për trafikimin e lëndëve narkotike nga Florida në Michigan me avion dhe u kapën dy pilotë veteran të luftës në Vietnam dhe kjo bëri bujë. Në Kolumbi, Ekuador, Brazil sot ka shqiptarë 'dëshmorë' të betejave të trafikut.

E njëjta gjë u zbulua gjatë vitit kaluar ku gjatë një hetimi u kap një organizatë shqiptare që çonte kokainë në Australi dhe sasia e kapur ishte e konsiderueshme dhe ata kishin marrë një projekt me një grup të rinjsh që merreshin me florën dhe faunën dhe me velierën e marrë e kishin ngarkuar me kokainë për ta çuar në Australi. Ne jemi kudo, sidomos në Greqi. Pra e gjithë kjo tregon se ne kemi një problematikë të madhe", tha gazetari.

Më tej ai theksoi se Drejtoria jonë e policisë së shtetit, e antidrogës ka një listë të organizatave kriminale të narkotrafikut të cilën e ka krijuar dhe në bazë të bashkëpunimit me agjencitë e tjera dhe sigurisht kjo listë është më e madhe nga ajo që ne shohim në terren.

"Kjo listë ka një përqendrim në Shqipëri në zonat kryesore nga vijnë këto organizata dhe territori ku ato operojnë ku përfshihen që nga trafiku deri te pastrimi i parave dhe nga ajo që kam parë është se ne ende nuk kemi një panoramë të plotë se cilat janë përmasat e vërteta të asaj që ne kemi sot. Te operacioni Revansh u tha që janë shtatë grupe por po ti ndjekësh linjat e tyre del se janë më shumëse 7 grupe.

Për mua personat më problematikë që ka Shqipëria ndodhen në Dubai kryesisht të tjerët janë të shpërndarë në Evropë, Amerikën Latine dhe një pjesë që ka siguri janë në Shqipëri. Por numri është shqetësim i madh që Shqipëria duhet të ketë një tjetër qasje dhe tjetër strategji se kur Dubai do të vendosë të bëjë ekstradimin sepse aty ka një sasi të madhe kriminelësh të vendosur deh shqiptarët janë një pikë ujë në oqean atje dhe Shqipëria duhet të vendosë se çfarë do të bëjë për ti kontrolluar ata", u shpreh Hoxha.