Abuzimi 322 mln lekë me tenderin e Ujësjellësit, lihet në burg kryebashkiaku i Bulqizës, Lefter Alla

GJKKO ka vendosur masën e sigurisë “Arrest në burg” për kreun e bashkisë së Bulqizës, Lefter Alla dhe 12 zyrtarët e tjerë të kësaj bashkie, të arrestuar me urdhër të SPAK.

Më herët, gjatë dëshmisë së tij në seancë, Alla i ka cilësuar politike akuzat ndaj tij.

“Në gjykimin tim me e ndershme do ishte të më thoshin hap krahun se të më bëhen këto gjyqe politike. Akuzat janë politike. Nuk kam kryer shkelje të ligjit”, ka thënë Alla.

Kujtojmë që sipas SPAK, Alla ka shfrytëzuar postin e tij si kryebashkiak, duke favorizuar një kompani për të fituar tenderin me vlerë 322 milionë lekë, për ndërtimin e ujësjellësit në Bulqizë.

Nga hetimet e SPAK-ut, ka dyshime se punimet për ujësjellësin janë kryer nga një kompani tjetër, që ka lidhje shoqërore me Allën.

Alla mori detyrën e kryetarit të bashkisë në zgjedhjet e muajit qershor të vitit 2019, si kandidat i Partisë Socialiste.

Të arrestuarit nga SPAK

Lefter Alla, kryetari i Bashkisë së Bulqizës

Enkeleda Lleshi, nënkryetarja e Bashkisë

Rubin Kola,

Erion Isaku,

Leonard Daci

Arseb Gjoka,

Kujtim Zogu,

Denis Xholi,

Rasim Daci,

Dalo Gazidedja,

Aqif Konesha

Kastriot Ibrahimaj (arrest shtëpie)

Ana Nishku (arrest shtëpie)