Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

I akuzuar për korrupsion, KPK shkarkon nga detyra prokurorin Sali Hasa

Politiko 3 Shtator 2021, 09:53

Komisioni i Pavarur Kualifikimit ka shkarkuar nga detyra prokurorin Sali Hasa të akuzuar më herët për korrupsion.

Prokurori nuk ndodhej i pranishëm në sallë gjatë marrjes së vendimit. Hasa u la në burg nga GJKKO pasi u arrestua me urdhër të SPAK për korrupsion.

Në seancën e sotma, KPK ka gjetur probleme në deklarimin e pasurisë nga ana e prokurorit të Sarandës. Sipas, KPK-së në raport thekohet se Hasa ka bërë një deklarim të rremë dhe ka mungesë burimesh.

“Truall 500 m2 në Kavaja dhe 130 m2 karabina në vlerën 2 milionë lekëve, ndërsa shton se ka mungesë në justifikimin e ndërtimit të saj. Subjekti ka deklaruar se sipërfaqja është blerë 400 mijë lekë në vitin 1998. Për këtë pasuri rezultojnë dy kontrata blerjeje me vlera të ndryshme 400 dhe 500 mijë. Në 2004 pasuria arë është shitur, por jo pasuria karabina 130 m2. Nuk u provua ndërtimi i kryer pa lejë dhe vlera e saktë e ndërtimit. KPK konstaton mungesë dokumentacioni për ndërtimin e objektit, që sipas eksperteve ka vlere 3.6 mln lekë. Është i dyshimte mospërfshirja e godinës në kontratën e shitjes së pasurisë në vitin 2004.

Subjekti ka pasur mungesë burimesh financiare për këtë pasuri.
– Apartament 163 m2 në Durrës. Ka mungesë të burimeve financiare për blerjen e tij 50 mijë usd në Durrës në 2001.

Mbetet e paqartë periudha e likuidimit të kësaj shumë.
Subjekti ka nisur punën si prokuror në vitin 2004.

Në vitin 2005 ai ka deklaruar shtëpi banimi 153 m2 në Durrës.
Subjekti ka bërë deklarime kontradiktore nëpër të gjitha deklaratat. Në deklaratën e tij të parë në ILDKP, subjekti nuk ka deklaruar detyrimet për blerjen e apartamentit.

– apartament 90 m2 në Sarandë, i blerë në vitin 2010, i padeklaruar në ILDKP në vlerën 3.9 mln lekë.
Deklarim i rreme për një pagesë kësti në vitin 2014, pagesë që ishte bërë më herët.
Dyshohet për çmim më të ulët se vlera e tregut.
Subjekti nuk ka deklaruar pagesat e kësteve në vijimësi.
– tokë kullotë 1 mijë m2 në Palermo, Himarë dhurim fëmijëve të tij.
Deklarimi i pasaktë, pasi në vitin 2014 shtetasi V. R. iu ka dhuruar 1000 m2 fëmijëve të Hasës.
Sipas hipotekës, në emër të fëmijëve të Hasës është regjistruar pasuria 1 mijë m2 për dy fëmijët.
Fëmijët e tij dhe dhuruesi kanë firmosur në vitin 2014. Nuk u konstatua konflikt interesi, por mbetet i dyshimtë arsyeja e dhurimit (pasi dhuruesi nuk është rreth familjar). Ka dy kontrata dhe dyshohet se sipërfaqja është 2 mije m2.
– automjet “Mercedes benz” në vitin 2008.
Hasa ka deklaruar se e ka blerë 1 mln lekë”, deklaroi sot KPK.

Hasa dyshohet se ka shpëtuar nga ndjekja penale kundrejt ryshfetit Emiljano Miranin, i akuzuar për mbajtje të armëve të ftohta. Bashkë me Hasën në pranga janë vënë edhe 5 persona të tjerë nën akuzën e korrupsionit. Disa ditë më parë, u caktua dita e seancës për prokurorin e Srandës, por ai vendosi të mosparaqitje në gjyq.