Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"I biri i hetuesit të BKH i përfshirë", Noka: Policia fsheh bashkautorin e vrasjes së Martin Canit

Politiko 26 Nëntor 2024, 17:31

"I biri i hetuesit të BKH i përfshirë", Noka: Policia

Sekretari i Përgjithshëm i Partisë Demokratike, Flamur Noka, ka hedhur akuza të forta ndaj Policisë së Shtetit, duke publikuar një dokument dhe duke deklaruar se autoritetet po fshehin bashkautorin e vrasjes së Martin Canit.

Sipas Nokës, kjo fshehje lidhet me faktin se babai i të dyshuarit është hetues në Byronë Kombëtare të Hetimit (BKH), ndërsa nëna punon në Prokurorinë e Posaçme Kundër Korrupsionit dhe Krimit të Organizuar (SPAK).

Në një postim të publikuar në rrjetet sociale, Noka ka ndarë procesverbalin e parë të policisë gjyqësore për këtë ngjarje, ku, sipas tij, konfirmohet se në vrasje ishin të përfshirë pesë persona.

POSTIMI I PLOTË

Thirrje për reagim kundër këtij regjimi bashkëautor!

Bashkohemi si prindër, si qytetarë, si vëllezër, sot në ora 17! Nuk ka siguri për jetën në narkoshtet. Nuk ka për të patur kurrë nëse nuk mblidhemi t'u japim fund.

Dita e reagimit është sot. Dita e veprimit është sot.

Policia e Shtetit nxitoi të shpërndante të dielën një komunikatë për shtyp, ku mohonte përfshirjen e një autori të dytë në vrasjen e Martin Canit, por shoku i Martinit që po kurohet në spital thotë se është qëlluar nga 2 persona me 2 thika të ndryshme dhe provë për policinë janë plagët që ka në trup. Një ekspertizë e thjeshtë mund të vërtetojë dëshminë e tij, por një rezultat i saj ende nuk ka dalë. Thika e gjetur pranë ATS-së nuk është e njëjta me atë që reklamonte vrasësi 14-vjeçar

Vrasësit janë larguar nga vendngjarja me një makinë, të cilën nuk mund ta drejtojë një 14-vjeçar, pra autori i vrasjes s'është vetëm ai që është arrestuar.

Këto janë disa elementë që dalin nga aq sa është bërë publike dhe nuk do shumë mend për të kuptuar se diçka e madhe po fshihet.

Personi që po mbahet i fshehur është djali i një hetuesi të Byrosë Kombëtare të Hetimit. Hetuesi i BKH, që paguhet për të bërë drejtësi, po bën ç’është e mundur të shpëtojë të birin nga drejtësia. Kaq i madh është presioni i tij, saqë edhe vetë 14-vjeçari i arrestuar nuk e tregon emrin e shokut të tij bashkëautor.

Të fundit