Flash News

Mbaron numërimi në qarkun e Kukësit, PD fiton 2 mandate

Egnatia shpallet kampione e Shqipërisë, i shuan ëndrrën 24-vjeçare Vllaznisë

PD kryeson në Kavajë ndaj PS

Financial Times / Rama fiton mandatin e katërt: rrezikohet krijimi i një pluralizmi kozmetik

As PS, as PD/ Në Vaun e Dejës forcë e parë shpallet partia e Tom Doshit

E-TJERA

I dha 225 mijë dollarë ish-agjentit të FBI, reagon Agron Nezaj: Me Ramën jam takuar disa herë

Politiko 25 Janar 2023, 21:18

I dha 225 mijë dollarë ish-agjentit të FBI, reagon Agron Nezaj:

Reagon për herë  të parë, Agron Neza, qytetari shqiptaro-amerikan që përmendet në dosjen hetimore të ish-agjentit të FBI, Charles Mcgonigal.

Duke folur për Euronews Albania, Neza u shpreh se paratë (225 mijë dollarë) për të cilat akuzohet se i ka dhënë Mcgonigal, nuk kanë lidhje me qeverinë shqiptare dhe as me kryeministrin Edi Rama.

“Me Kryeministrin e Shqipërisë, Edi Rama jam prezantuar diku në vjeshtën e vitit 2017 nëpërmjet mikut tim Charles Mcgonigal, ish-Drejtor i Zyrës së Kundërspiunazhit të FBI-së për Nju Jorkun, në ndërtesën e Zyrës së Kryeministrit, takim që zgjati ndoshta më pak se dy minuta.

Pas këtij takimi, jam takuar dhe disa herë të tjera dhe në këto takime ka pasur edhe njerëz të tjerë. Nuk mund të them që Kryeministri i Shqipërisë është miku im, e as unë miku i tij përveçse një i njohur. Asnjëherë me kryeministrin Rama nuk kam biseduar çështje biznesi dhe as parash, e gjithashtu mund të them të njëjtën gjë dhe për stafin e tij, me të cilët mund të njihem, siç njoh dhe kam miq dhe të PD, PR, PSD, PL e të tjera parti në Shqipëri.

Përsa i përket problemit që Sali Ram Berisha po flet, duke shpifur se paratë që i kam dhënë mikut tim Charles McGonigal janë para të Kryeministrit Edi Rama apo njerëzve të tij, kjo kategorikisht nuk është e vërtetë.

Jam i bindur që kryeministri Rama, çështjen e dhënies së parave e ka mësuar nga shtypi në të njëjtën kohë që e ka mësuar dhe Sali Berisha dhe çdokush tjetër. Këtu përfundon çështja në lidhje me paratë që unë i kam dhënë Charles McGonigal”, thotë Neza.

Në dosjen me 16 faqe shkruhet mjaft qartë se McGonigal ka marrë 225 mijë dollarë për të ndikuar në Byronë Federale të Hetimit (FBI) ku punonte edhee vetë, që të niste një hetim. Paratë, sipas dosjes i janë dorëzuar nga ‘Personi A’ që rezultoi se ishte Agron Nezaj, një shqiptaro-amerikan që dekada më parë ka punuar për shërbimet inteligjente të Shqipërisë.


 

 

 

Të fundit