Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

I ftoi në takim, Rama braktis ambasadorët e huaj, BE nuk kursen rezervat për amnistinë fiskale

Politiko 29 Shtator 2022, 17:05

I ftoi në takim, Rama braktis ambasadorët e huaj, BE nuk kursen

Një ditë më parë kryeministri Edi Rama njoftoi takimin që do të zhvillonte sot me ambsadorët e huaj të akredituar në Shqipëri, mbi Amnistinë Fiskale.

Të pranishëm në takimin e njoftuar ishin përfaqësues të qeverisë dhe ambasadorët e BE-së, SHBA-së Britanisë së Madhe, Suedisë, Gjermanisë dhe Holandës. Në takimin e mbajtur në vilën qeveritare nr.30 i vetmi që nuk mori pjesë ishte vetë Rama, i cili njoftoi dhe shprehu gatishmërinë për të diskutuar me ambsadorët e huaj projektligjin për amnistinë fiskale.

Takimi u realizua pa praninë e mediave. Pjesë e përfaqësuesve të qeverisë ishin ministrja e Jashtme Olta Xhaçka, ministrja e Financave dhe Ekonomisë Delina Ibrahimaj dhe kreu i grupit parlamentar të PS-së Taulant Balla.

I pyetur nga BIRN, se pse Rama nuk ishte i pranishëm në takim megjithëse e thirri vetë, drejtori i Agjencicë për Media dhe Informim Endri Fuga, tha se nuk mund të japë komente për “pjesën jopublike të axhendës së Kryeministrit”, teksa nënvizoi se në takim ishin përfaqësues të tjerë të qeverisë.

Zyra e delegacionit të BE-së në Tiran ë shprehu të njëjtat shqetësime për amnistinë fiskale edhe pas takimin me përfaqësuesit e Ramës.

“Bashkimi Evropian ka shqetësime serioze për draftin aktual të ligjit për amnisti fiskale. Ne do të vazhdojmë konsultimet me strukturat përkatëse të qeverisë për të rishikuar këtë legjislacion”, tha delegacioni për mediat.

Vetë kryeministri Rama është shprehur se nuk do të tërhiqet nga amnistia fiskale pavarësisht qëndrimit që mbajnë ndërkombëtarët. I pyetur nga mediat, gjatë prezantimit të vendimeve të qeverisë të mërkurën, Rama tha “ju qani hallin sa do mërzitet BE-ja apo sa do mërzitet Amerika? Çfarë halli qani? Këta i kanë punët në rregull”.

Nisma në fjalë është kundërshtuar edhe nga partitë opozitare. Ata shprehen se amnistia fiskale do t’i hapë rrugë legalizimit të parave që rrjedhin nga aktivitete të jashtëligjshme si trafiku i drogës apo krimi i organizuar.

Të fundit