Flash News

Fushatë brenda shkollës, Zegjineja e Roskovecit kallëzohet në KQZ

Dhunë ndaj një 14-vjeçari në Komisariat?/ Komiteti i Helsinkit ngre alarmin: U godit me grushta, policia nuk e çoi tek mjeku! Të hetohet

Gjendet celulari i Ilaria Sulës në banesën e ish të dashurit Filipinas

SPAK jep pretencën për 5D-në, kërkon burg edhe për Deborah Keçin dhe vartësit e tjerë të Veliajt

Arrestohet 23-vjeçari në ‘Don Bosko’, u kap me pistoletë gati për ta shitur

E-TJERA

Tërmeti i fuqishëm në Turqi/ 151 të plagosur pasi u hodhën nga lartësitë

Politiko 23 Prill 2025, 16:13

Tërmeti i fuqishëm në Turqi/ 151 të plagosur pasi u

Një tërmet i fuqishëm me magnitudë 6.2 goditi pasditen e së mërkurës qytetin e Stambollit, duke shkaktuar shqetësim të madh në mbarë vendin. Lëkundjet e forta u pasuan nga pasgoditje të shumta, ndërsa autoritetet turke kanë bërë me dije se deri më tani nuk raportohet për humbje jete.

Sipas raportimeve të mediave ndërkombëtare, 151 persona kanë mbetur të plagosur si pasojë e panikut gjatë lëkundjeve. Shumë prej tyre janë hedhur nga dritaret apo ballkonet e banesave për të shpëtuar, duke pësuar lëndime, por fatmirësisht asnjëri nuk është në rrezik për jetën.

“Nuk ka pasur humbje në jetë njerëzish. Vazhdon në spitale trajtimi i 151 shtetasve të cilët kanë mbetur të plagosur pasi janë hedhur nga lartësia për shkak të panikut dhe nuk janë në rrezik për jetën”, thuhet në një deklaratë zyrtare nga autoritetet.

Ndërkohë, Ministri i Brendshëm i Turqisë, Ali Yerlikaya, ka deklaruar se të gjitha forcat emergjente janë vendosur në gatishmëri dhe janë të dislokuara në terren për të ndihmuar qytetarët dhe për të monitoruar situatën.

Raportimet e para theksojnë se nuk ka dëme të konsiderueshme në objektet e banimit në qytet, ndërsa strukturat e mbrojtjes civile po kryejnë inspektime për të garantuar sigurinë e ndërtesave.

Autoritetet i bëjnë thirrje qytetarëve që të ruajnë qetësinë dhe të ndjekin udhëzimet zyrtare deri në normalizimin e plotë të situatës.

Të fundit