Sulmi i Veliajt ndaj gazetares së BIRN, Qendra Evropiane për Lirinë e Shtypit dhe Medias: Respekto median!

Qendra Evropiane për Lirinë e Shtypit dhe Medias ka reaguar pas sulmet e kryetarit të Bashkisë së Tiranës, Erion Veliaj në drejtim të gazetares së BIRN Ola Xama.

 Në një reagim në rrjetet sociale, Qendra Evropiane për Lirinë e Shtypit dhe Medias i bën thirrje Veliaj që të ndalojë sulmet ndaj gazetarëbe dhe t'u ofrojë atyre akses në informacion, ndërsa shpërndan rragimin e sekretarit të Pëgjithshëm të Federatës Europiane të Gazetarëve, Ricardo Gutierrez.

“Ne ndajmë të njëjtin shqetësim si @EFJEUROPE pasi @erionveliaj është i njohur në mesin e organizatave mediatike për sulmet e rregullta ndaj gazetarëve dhe aktivistëve profesionistë dhe të pavarur.

I bëjmë thirrje Veliajt të ndalojë sulmet ndaj gazetarëve, t'u ofrojë atyre akses në informacion dhe të respektojë punën e tyre”, thuhet në reagim.

Postimi i plotë i Ricardo Gutierrez:

Kryebashkiaku i Tiranës, Erion Veliaj, ka sulmuar edhe një herë mediat profesionale dhe gazetarët shqiptarë. Kjo është e padenjë për postin që ai mban.

Z. Veliaj e përshkroi Ola Xama, një gazetare investigative nga BIRN, si një "vrasëse me kontratë" pasi ajo zbuloi se ai kishte luajtur një rol të rëndësishëm në një projekt të lidhur me menaxhimin e mbetjeve publike në Tiranë. Aktualisht po zhvillohen hetime që përfshijnë figura të rëndësishme politike për mënyrën e menaxhimit të mbetjeve në kryeqytetin shqiptar.

Hetimi u publikua më 13 korrik 2023 dhe Veliaj refuzoi kërkesën e BIRN për koment. Një ditë pas publikimit, Z. Veliaj i shkruante gazetares se ajo i kishte ngatërruar faktet dhe e quajti atë “militante”. Në një komunikim tjetër me gazetaren, ai i ka thënë “nuk je gazetare, je vrasës me pagesë”. Disa media u angazhuan në një fushatë negative kundër Ola Xamës, duke përdorur të njëjtat fjalë si z. Veliaj.

Të quash një gazetar vrasës me pagesë është një akuzë e rëndë që mund të çojë në ngacmime në internet dhe madje edhe kërcënime fizike. Përdorimi i fjalëve të tilla rrezikon seriozisht Ola Xamën dhe dekurajon atë dhe gazetaret e tjera që të kryejnë punën e tyre si gazetare në interes të publikut.

I kam kërkuar disa herë në të shkuarën zotit Veliaj që të mos frikësojë dhe denigrojë gazetarët dhe qytetarët shqiptarë që guxojnë ta kërkojnë llogari. Këtë herë do t'i drejtohem në shqip. Ndoshta ai do të dëgjojë më shumë?