Sulmi i Veliajt ndaj mediave, sekretari i Federatës Europiane të gazetarëve: Jemi të indinjuar!

Kryetari i Bashkisë së Tiranës, Erion Veliaj, gjatë takimit për prezantimin e projektit për linjën e shpejtë të autobusëve dy ditë më parë, ka denoncuar disa faqe online të cilat sipas tij u kanë vendosur gjoba kompanive të transportit publik, për të mos publikuar lajme për to.

 Ai përmendi rastin e faqes ‘Jeta Osh Qef’ dhe Lolita, si dy portale që vendosim rregullisht gjoba, duke dalë me emra për drejtuesit e tyre.

Për këtë rast ka reaguar dhe sekretari i Federatës Euriopiane të Fazetarëve, Ricardo Guiterres.

Me anë të një postimi në Facebook, ai i është drejtuar Veliajt se dhe pse mbase nuk i pëlqen, këto faqe me anë të humorit po mbajnë në ata që janë në pushtet.

Ai ja ka plasur në sy Veliajt rastin e Top Channel duke u shprehur: I kujtoj zotit Veliaj se pak ditë më parë një person u vra në ambientet e Top Channel në Shqipëri dhe se ai nuk duhet të kontribuojë në një përkeqësim të mëtejshëm të sigurisë së komentuesve publikë.

REAGIMI I PLOTË

Jam i indinjuar nga sjellja e kryebashkiakut të Tiranës, Erion Veliaj, në zbulimin e identitetit të administratorëve të faqeve satirike shqiptare në Facebook, Lolita dhe JOQ. Këto faqe, ndonëse jo rreptësisht gazetareske, ndihmojnë për t'i mbajtur ata që janë në pushtet me anë të humorit (ju pëlqen apo jo).

Z. Veliaj publikoi emrat dhe informacione shumë private familjare të këtyre personave, duke pretenduar se i kishte “identifikuar” duke i vënë në rrezik të drejtpërdrejtë fizik. Vetëm pak orë më parë ai i përmendi sërish dhe tha se policia po shkonte, duke lënë të kuptohet se mund të arrestoheshin.

I kujtoj zotit Veliaj se pak ditë më parë një person u vra në ambientet e Top Channel në Shqipëri dhe se ai nuk duhet të kontribuojë në një përkeqësim të mëtejshëm të sigurisë së komentuesve publikë.

Kjo është një shkelje e rëndë e të drejtës së lirisë së shprehjes dhe të së drejtës së anonimitetit. Shpresoj që kryeministri Edi Rama të sigurojë që kjo sjellje e rrezikshme të ndalet menjëherë. Zyrtarët publikë pritet të mbrojnë demokracinë dhe lirinë e shprehjes. Jo për të kërcënuar dhe frikësuar zërat kundërshtues.