Flash News

U diagnostikua me kancer, Biden thyen heshtjen

Dosja “Partizani”, GJKKO kalon për gjykim Berishën dhe Malltezin

Policia e Shkodrës asgjëson mbi 1,500 bimë narkotike

Lirohet nga burgu Safet Gjici, shkak gjendja e rënduar shëndetësore

EMRI/ Prifti rrëzohet nga çatia e kishës në Korçë, dërgohet në spital

E-TJERA

I jep fund jetës i burgosuri në burgun e Fushë-Krujës

Politiko 19 Maj 2025, 10:57

I jep fund jetës i burgosuri në burgun e Fushë-Krujës

Një i paraburgosur është gjetur i vetëvarur në tualetin e dhomës në një qeli në burgun e Fushë-Krujës.

Qani Muça u gjet i pajetë nga një tjetër i paraburgosur. 55-vjeçari ishte arrestuar një vit më parë pasi plagosi një inspektor të IMT.

IMT-ja shembi shtëpinë e Qani Muçës asokohe dhe 55-vjeçari në atë kohë qëlloi me armë në drejtim të inspektorëve.

“Sot, më datë 19 maj 2025, rreth orës 03:34, në Institucionin e Ekzekutimit të Vendimeve Penale Fushë-Krujë, i paraburgosuri Qani Hamit Muça është gjetur i vetëvarur në tualetin e dhomës ku qëndronte, në pjesën e grilës së ajrimit. Ngjarja ka ndodhur në sektorin 2, kati i dytë, godina B, ku i ndjeri qëndronte së bashku me pesë të paraburgosur të tjerë.

Sipas informacionit paraprak, rreth orës 03:34 është vënë re nga një prej të paraburgosurve që Muça po vonohej më shumë sesa zakonisht. Ky i fundit ka hapur derën dhe ka konstatuar Qani Muçën të vetëvarur në grilën e dritares. Menjëherë është njoftuar shërbimi i sigurisë, ndihmës-mjeku i institucionit, si dhe janë njoftuar Prokuroria e Rrethit Gjyqësor Krujë dhe Shërbimi për Kontrollin e Brendshëm në Burgje (SHKBB).

Grupet hetimore kanë mbërritur në ambientet e institucionit rreth orës 04:00 dhe kanë nisur procedurat për dokumentimin dhe hetimin e ngjarjes”, thuhet në njoftim.

Të fundit