I jepet lamtumira e fundit Bashkim Koplikut! E bija: Nuk vdiq nga COVID-i, por nga pakujdesia e shtetit

Në foto: Familjare dhe miq i japin lamtumirën e fundit, Bashkim Koplikut

I jepet lamtumira ish-ministrit dhe politikanit të njohur shqiptar, Bashkim Kopliku, i cili humbi jetën pas infektimit me COVID-19.

Familjarë, miq, të afërm dhe personalitete shqiptare i kanë dhënë lamtumirën e fundit në një ceremoni të mbajtur në ambient të hapur në Durrës.

Me lot në sy, gjatë fjalës së saj e bija e Koplikut u shpreh se i ati nuk vdiq nga COVID-19, por nga pakujdesia e shtetit.

“E pabesueshme për të gjithë. Për ju ishte Bashkim Kopliku për mua ishte im atë. Sa i drejtë që ishte, sa shumë bënte për gjithë njerëzit. Nuk vdiq nga COVID-19, por nga pakujdesia e shtetit. Ndërroi jetë pasi nuk kishte oksigjen. Vdiq kur po e dërgonim në avion në Itali për kurim më të specializuar”, tha ajo.

Kujtojmë se, Kopliku humbi jetën në moshën 77 vjeçare, teksa priste të dërgohej me avion ambulancë në Itali. Mendohet se shkak i vdekjes mendohet se ka qenë mungesa e oksigjenit. Familjarët e tij kanë akuzuar shtetin për mungesën e shërbimit të duhur shëndetësor, ndërsa tregojnë se pati vonesë charteri.

Edhe autoambulanca, sipas tyre, për ta transportuar nga Durrësi në Rinas e më pas drejt Breshias është vonuar disa orë. Ambulanca ka shkuar në orën 16.00 në Durrës dhe në momentin kur është marrë nga dy infermierë me barelë për t’u futur në ambulancë, e kanë marrë pa oksigjen.

Kopliku ka qenë deputet tre herë në Kuvendin e Shqipërisë, Kryetar i Komitetit të 1-rë pluralist në 1991, Zv/Kryeministër, Ministër i brendshëm në qeverinë e parë demokratike, Ministër i ekonomisë dhe kryetar i komisionit të ekonomisë në Kuvendin e Shqipërisë.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm