Flash News

E-TJERA

I kërkuar për ekstradim në Itali, arrestohet kreu i klanit "Farruku"

I kërkuar për ekstradim në Itali, arrestohet kreu i klanit
Kreshnik Farruku, i njohur si drejtuesi i klanit kriminal "Farruku", është arrestuar mbrëmjen e kaluar me urdhër të SPAK. Farruku, i cili ndodhej nën masën e sigurisë "arrest shtëpie" pas vetëdorëzimit në policinë e Durrësit më 6 janar, tashmë ndodhet në pranga, duke përmbushur kërkesën e drejtësisë italiane për ekstradim.

Ai u dorëzua në polici i shoqëruar nga avokati i tij mbrojtës, pas shpalljes në kërkim ndërkombëtar për akuzën e trafikut të drogës.

Kush është Kreshnik Farruku?
I njohur gjithashtu me emrat Kreshnik Budlla, Besnik Farruku dhe Sokol Koçi, ai është dënuar nga Gjykata e Ancona-s në Itali me 6 vite e 8 muaj burg për akuzën e trafikut të drogës.

Autoritetet vijojnë hetimet për aktivitetet e klanit dhe bashkëpunëtorët e tij ndërkombëtarë, ndërsa ekstradimi i Farrukut në Itali pritet të ndihmojë në zbardhjen e plotë të veprimtarisë kriminale të rrjetit.

Klani "Farruku" dhe aktivitetet kriminale
I formuar kryesisht nga shqiptarë, klani "Farruku" është identifikuar nga autoritetet që prej vitit 2008 për përfshirje në grabitje banesash, trafik kokaine dhe krime të tjera të rënda.

Në vitin 2019, Kreshnik Farruku u arrestua në Madrid bazuar në një urdhër-arresti evropian të lëshuar nga drejtësia italiane në 2018. Operacionet e policisë spanjolle e lidhnin atë me një seri grabitjesh dhe trafiku droge në Costa del Sol, ndërsa Garda Civile e përshkruan si një nga drejtuesit e një rrjeti të rëndësishëm kriminal.

Të fundit