Flash News

Prokuroria dërgon për gjykim dy zyrtarët e Bashkisë Korçë

Shkelje me tenderin 2.3 mln €, GJKKO vendos masë sigurie për kreun e KPP, pezullohet nga detyra

Dosja “Partizani”, shtyhet më 21 korrik seanca në Gjykatën e Posaçme

Kërkoi ndryshimin e masës së sigurisë, shtyhet më 7 korrik seanca për Malltezin

Sot gjyqi për 'Partizanin', Malltezi nga SPAK: Gjueti shtrigash, çështje që nisi me kallëzimin pa bazë të Ballës

E-TJERA

Atentati mafioz ndaj shqiptarëve në Athinë: Dyshohet se shënjestër kanë qenë Davella dhe Lulo

Politiko 18 Dhjetor 2024, 20:38

Atentati mafioz ndaj shqiptarëve në Athinë: Dyshohet se

Një atentat i rëndë ka tronditur Athinën, ku mbeti i vrarë 47-vjeçari shqiptar, Irakli Davella, dhe u plagos rëndë 46-vjeçari Edi Lulo, i njohur edhe me emrin Etmond Hysa. Hetimet e deritanishme kanë zbuluar se të dy viktimat ndodheshin në distancë nga njëri-tjetri në momentin e të shtënave, por të dy janë qëlluar nga të njëjtët atentatorë që hapën zjarr nga një makinë dhe më pas u larguan në drejtim të paditur.

Policia greke ka nisur një hetim të thelluar dhe ka zbuluar se Edi Lulo ka qenë i skeduar që në vitin 2004. Gjatë atij viti, ai ka marrë pjesë në disa grabitje të armatosura në Greqi, duke përfshirë grabitje të parave dhe tentativë për vrasje gjatë shkëmbimeve të zjarrit me autoritetet greke. Në vitin 2011, Lulo ishte i përfshirë në një grabitje të pasurive me vlerë 405 mijë euro, ndërsa një tjetër ngjarje e rëndë ka ndodhur në Pagrati, ku ai dhe grupi i tij grabitën pajisje mjekësore me vlerë 110,000 euro.

Policia greke ka ndërlidhur hetimet me autoritetet shqiptare dhe ka marrë informacione mbi lidhjet e Edi Lulos me grupe kriminale shqiptare, ku dyshohet se ai mund të jetë i përfshirë në trafikun ndërkombëtar të drogës. Sipas burimeve, ai kishte mbërritur në Greqi më 9 dhjetor, pas një fluturimi nga Duseldorfi në Gjermani, ndërkohë që banon në Dubai.

Ky atentat ka ngritur dyshime të mëdha mbi lidhjet e Lulos me krimet e rënda dhe veprimtaritë kriminale ndërkombëtare, ndërsa hetimet vazhdojnë për të zbuluar më shumë rreth ngjarjes tragjike.

Të fundit