Flash News

Trafikonin armë nga Kosova drejt Shqipërisë, dy të arrestuar, sekuestrohen 8 pistoleta

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

Pas ultimatumit të Ramës, japin dorëheqjen të gjithë drejtorët e bashkisë së Vlorës

E-TJERA

Atentati me 3 viktima në Memaliaj, Hoxha: Pse skena duket e ngjashme me “fundin e Ervis Martinajt”

Politiko 23 Korrik 2024, 16:26

Atentati me 3 viktima në Memaliaj, Hoxha: Pse skena duket e ngjashme me

Gazetari Artan Hoxha tha se atentati me tre viktima në Memaliaj nuk mund të jetë një çështje hasmërie, pasi personazhet e përfshirë kanë konflikte që vijojnë prej dekadash.

Hoxha, në Euronews Albania, bëri një profil të shkurtër të personit i cili ishte edhe “shënjestra” e atentatit, Adritatik Kalemi dhe të atentateve të shumta të bëra ndaj tij.

“Kemi të bëjmë me personazhe që kanë histori më shumë se dy dekada. Adriatik Kalemi është personazh shumë i hershëm dhe është personazh shumë i fortë në atë zonë. Ai ka qenë i akuzuar, i dënuar për vrasje, nuk është personazh që doli nga hiçi. Kjo gjë ka bërë që kohët e fundit të intensifikohen ngjarjet ku objektivi kryesor ka qenë Adriatik Kalemi.

Nëse merremi vetëm me pjesën e Shqipërisë duket sikur kemi të bëjmë me një hasmëri. Atentati që iu bë në ishullin Paxos, ku ai sa kishte vajtur me familjen për pushime, kjo dëshmon se ata kanë marrë informacionin në kohë rekord dhe erdhën të bënin atentatin në një vend të Bashkimit Europian.

Kjo dëshmon se ata njerëz nuk kanë vepruar në gjaknxehtësi e sipër, ne kemi të bëjmë me një krim të sofistikuar e jo thjesht me disa njerëz që kanë hesape për të larë. Ai u mjekua, i shpëtoi atentatit ku u goditën 12 predha, më pas policia greke e arrestoi dhe në ditën e fundit që ai do dilte, shkoi një i burgosur egjiptian dhe e goditi me thikë”, tha gazetari.

Hoxha tha se situata duket e ngjashme me atë që ai e quajti “fundi i Ervis Martinaj”.

“Atë po kërkojnë me çdo kusht ta eliminojnë. I bën atentat të vëllait, ai ishte me “Smart” e për mrekulli shpëtoi. Kanë bërë atentat ndaj familjarëve të tjerë të tij. Pra në pamundësi për të goditur direkt atë, ata po godasin çdo njeri afër tij.

Skena duket e ngjashme si me fundin e Ervis Martinaj, që po goditet çdo njeri afër tij dhe autorët nuk kapen asnjëherë. Krimet kanë ndodhur në Shqipëri, në Greqi, në Belgjikë kanë ndodhur edhe në Francë, por nuk është bërë e mundur që të eliminohet. Kjo ka bërë që situata të intensifikohet”, tha Hoxha.

Të fundit