Flash News

Foto/ Ky është polici që mbeti i vrarë nga sulmet e armatosura në veri të Kosovës

Vrasja e efektivit në Leposaviç, reagon policia e Kosovës: Dy kamionë bllokuan rrugën, u hodhën granata

Kukësi voton sot për kryebashkiakun e ri, në garë ‘BF’ dhe PS

Posta e mëngjesit/ Me 2 rreshta: Çfarë pati rëndësi dje në Shqipëri

Zgjerohet vatra e zjarrit në Patos, flakët përfshijnë nënstacionin elektrik

E-TJERA

Sulmi me një të vrarë në Top Channel, reagojnë Begaj dhe Rama

Politiko 27 Mars 2023, 08:56

Sulmi me një të vrarë në Top Channel, reagojnë Begaj

Presidenti i Shqipërisë, Bajram Begaj, dhe kryeministrit, Edi Rama, kanë reaguar pas sulmit me kallashnikov drejt televizionit kombëtar Top Channel, ku mbeti i vrarë roja i sigurisë.

Begaj shkruan në Facebook se ngjarja e rëndë në TCH duhet të zbardhet urgjent nga organet ligjzbatuese, teksa i përcjell ngushëllimet e tij familjes së Pal Kolës.

“Ngjarje vërtet e rëndë ajo e orëve të para të mëngjesit, ku godina e televizionit kombëtar “Top Channel” është qëlluar me armë, e ku për pasojë ka humbur jetën roja i sigurisë Pal Kola. Teksa i shpreh ngushëllimet e mia familjes së z. Kola, inkurajoj organet ligjzbatuese ta zbardhin sa më shpejt dhe me përgjegjshmërinë më të lartë këtë ngjarje kriminale”, shkruan Begaj.

Kryeministri Rama thotë se agresioni kriminal ndaj Top Channel duhet të ketë përgjigje të menjëhershme nga organet ligjzbatuese.

“Agresioni kriminal ndaj TCH me pasojë edhe një humbje jete të personelit të sigurisë, kërkon përgjigje të qartë nga agjencitë ligjzbatuese! Ngushëllime familjes së të ndjerit dhe krejt bashkësisë së TCH, e cila meriton solidaritetin e të gjithëve në këtë moment kaq shqetësues!”, shkruan Rama në Twitter.

Të fundit