Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Atentati në Don Bosko/ Urgjenca Kombëtare 'rrëzon' polemikat: Ambulanca u vonua 3 minuta

Politiko 5 Janar 2022, 13:49

Atentati në Don Bosko/ Urgjenca Kombëtare 'rrëzon'

Tirana u trondit dje nga një atentat. Të shtënat me armë zjarri në zonën e Don Boskos në drejtim të një lokali, lanë të plagosur 4 persona dhe një viktimë.

Në media, qarkulloi lajmi se autoambulancat për të mbërritur në vendngjarje janë vonuar për të paktën 30 minuta. Urgjenca Kombëtare e ka hedhur poshtë këtë lajm, dhe në një deklaratë për mediet thotë se ambulanca nuk është vonuar më shumë se tre minuta për të mbërritur në vendngjarje.

"Ekipi i ambulancës së parë njofton se duhen dy ambulanca të tjera dhe për këtë arsye nisen dy ekipe të tjera. Ora 16.22 nisja e tyre. Ora 16.26 mbërritja në vendngjarje. Ora 16.30 mbërritja në spital e pacientit të dytë. Ndërkohë njoftojnë se një pacient është transportuar nga një ambulancë e një spitali privat. QKUM nuk ka dijeni kush e ka njoftuar dhe çfarë oraresh ka kjo ambulancë", deklaron Urgjenca Kombëtare.

KOMUNIKATË PËR MEDIAT:

Ditën e djeshme datë 04.01.2022 në zonën Don Bosko fatkeqësisht ndodhi një atentat me pasoja humbjen e jetës së një personi dhe plagosjen e tre të tjerëve. Ngushëllime familjes dhe uroj shërim të shpejtë të dëmtuarve.

Pranë Njësisë së Koordinimit sapo mbërriti telefonata nga policia është nisur drejt ngjarjes autoambulanca e parë ku mjeku ka konstatuar se njëri nga personat ishte pa shenja jete. Duke qenë se nuk kishte më urgjencë mjekësore është detyrë e policisë së shtetit të verifikojë provat dhe më vonë të urdhëroj largimin nga vendi i ngjarjes së trupit të viktimës.

Kronologjia e ngjarjes vijon si më poshtë. Ambulanca e parë: Ora 16.13 ka mbërritur telefonata nga policia e shtetit. Ora 16.14 është kaluar telefonata ekipit të terrenit. Ora 16.16 ekipi është në vendngjarje dhe merr një pacient të dëmtuar me kod të kuq dhe e shoqëron në spitalin e Traumës. Mbërritja në spital në orën 16.19.

Ekipi i ambulancës së parë njofton se duhen dy ambulanca të tjera dhe për këtë arsye nisen dy ekipe të tjera. Ora 16.22 nisja e tyre. Ora 16.26 mbërritja në vendngjarje. Ora 16.30 mbërritja në spital e pacientit të dytë. Ndërkohë njoftojnë se një pacient është transportuar nga një ambulancë e një spitali privat. QKUM nuk ka dijeni kush e ka njoftuar dhe çfarë oraresh ka kjo ambulancë.

JOQ nuk është hera e parë që shpif dhe mashtron për urgjencën, akuzon vetëm për të pasur klikime, pa asnjë të vërtetë mbi ngjarjen duke mashtruar opinionin publik dhe duke irrituar pa të drejtë qytetarët. Përdorimi i fotografive të mija nuk është hera e parë që i vendosin në faqen e tyre pa asnjë autorizim dhe pa asnjë etikë profesionale apo njerëzore! Kërkohet dëmtimi i një shërbimi jetik për qytetarët dhe denigrim të personit tim. Kuptohet që këto artikuj nuk kanë as emër as mbiemër gazetari, por sigurisht që është një i tillë!