Flash News

Info migrants: Italia transferon 26 persona të tjerë në qendrat e paraburgimit në Shqipëri

Netanyahu: Është eliminuar kreu i Hamasit në Gaza, Mohammad Sinwar

Vodhën automjetin në Tepelenë dhe e shitën në Gjirokastër, në pranga 3 të rinj

Thika e urimit të Ambasadës amerikane

Sekuestro e pasurive, Ajola Xoxa bën rekurs në Gjykatën e Lartë

E-TJERA

Atentati në Elbasan/ Pas "Vis Korçarit", arrestohen edhe dy persona të tjerë

Politiko 26 Nëntor 2020, 13:43

Atentati në Elbasan/ Pas "Vis Korçarit", arrestohen edhe

Policia e Elbasanit ka arrestuar dy persona të tjerë të shpallur në kërkim për atentatin me armë zjarri gjatë ditës së djeshme në qytet.

Bëhet fjalë për Feliks Filjen dhe Ersi Cekasin, dy 21-vjeçarët që dyshohet se ishin pjesë e grupit që shkëmbeu zjarr në mes të qyetit.

Ndërkohë, mbeten ende në kërkim, Armand Ceveli edhe Migert Qosja, të dy të akuzuar për “vrasje me dashje” dhe “armëmbajtje pa leje”.

Mesditën e djeshme, në rrugën “Emin Matraxhiu” pati një përplasje me armë, gjatë së cilës mbeti i plagosur Ervis Çaushllari, i njohur ndryshe dhe si “Vis Korçari”.

Njoftimi i plotë:

Në vijim të veprimeve për zbardhjen e ngjarjes së ndodhur mesditën e djeshme, në lagjen “Emin Matraxhiu”, Elbasan, ku gjatë një konflikti të çastit mes dy drejtues automjetesh u përdorën dhe armë zjarri, falë veprimeve të shpejta hetimore dhe profesionale u bë e mundur zbardhja e ngjarjes, vënia në pranga e njërit prej autorëve dhe shpallja në kërkim e një tjetër autori.

Si rezultat i veprimeve hetimore të thelluara, nën drejtimin e Prokurorisë së Rrethit Gjyqësor Elbasan, nga speçialistët për Hetimin e Krimit kundër Personit në Drejtorinë Vendore të Policisë Elbasan u arrestuan në flagrançë shtetasit:

F. F., 21 vjeç, banues në Elbasan, për veprat penale “Vrasje me dashje” e mbetur në tentativë e kryer në bashkëpunim dhe “Armëmbajtja pa leje”.

E. C., 21 vjeç, banues në Librazhd, për veprat penale “Veprime që pengojnë zbulimin e së vërtetës” dhe “Moskallëzim krimi”.

Gjithashtu, si rezultat i këtyre hetimeve është shpallur në kërkim poliçor, për veprat penale “Vrasje me dashje” e mbetur në tentativë, e kryer në bashkëpunim dhe “Armëmbajtja pa leje” shtetasi A. C., 21 vjeç, banues në Elbasan. Vijon puna për kapjen e tij dhe për kapjen e autorit tjetër, shtetasi M. Q.

Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme proçedurale.

Të fundit