Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Atentati në Rinas/ Prokuroria e Tiranës kërkon pezullimin e drejtorit të AMP-së, punësoi Muçi Shaljanin në shkelje të ligjit

Politiko 16 Shkurt 2026, 11:48

Atentati në Rinas/ Prokuroria e Tiranës kërkon pezullimin e

Me kërkesë të Prokurorisë të Tiranës, është pezulluar nga detyra një nga drejtorët e Agjencisë të Mbikëqyrjes Policore, Gëzim Sala, i cili sipas hetimeve ka lejuar punësimin e Muçi Shaljani, një nga dy viktimat e atentatit në Rinas.

Ndaj tij, është vendosur masa e sigurisë ‘Ndalim i daljes jashtë shtetit’ dhe ‘Pezullim i ushtrimit të një detyre a shërbimi publik’.

Muçi Shaljani rezultoi sipas hetimeve, se ishte punësuar si ndihmëspecialist në Drejtorinë e Forcës së Posaçme Operacionale, në kundërshtim me procedurat ligjore.

“Nga hetimet rezultoi se shtetasi M.Sh., ishte punësuar prej afro 2 muajsh, si punonjës i AMP-së në funksion ndihmëspecialist në Drejtorinë e Forcës së Posaçme Operacionale. Prokuroria provoi se dokumenti i gjendur këtij shtetasi ishte i falsifikuar pasi nuk rezultonte që AMP ta ketë pajisur me dokument. Ky shtetas kërkoi të punësohej në AMP më 09.09.2025 dhe pranimi i tij më 15.09.2025, nëpërmjet një urdhri, rezulton haptazi në kundërshtim me ligjin “Për Agjencinë e Mbikëqyrjes Policore” dhe Vendimin e Këshillit të Ministrave Nr.532, datë 29.07.2022 “Per Miratimin e Rregullores Për Organizimin dhe Funksionimin e Agjencisë së Mbikëqyrjes Policore””, thuhet në njoftim.

Sala ka deklaruar se procedura e ndjekur për rekrutimin e Shaljanit, nuk është ligjore dhe se ai në këtë proces ka nënshkruar miratimin vetëm për anën formale të akteve dhe jo në përmbajtje. Ndërkohë që vetë ai ka kërkuar që ky urdhër të bëhej shpejt me motivacionin ‘pranohet me kontratë të përkohshme dhe për nevoja emergjente’.

Shaljani u punësua me një procedurë të paligjshme, në një kohë shumë të shkurtër dhe u pagua me rrogë të rregullt, pa u paraqitur asnjëherë në punë, apo zhvilluar ndonjë detyrë.

Muçi Shaljani (Sheqeri) dhe Gilmando Dai, një emër i njohur në botën e krimit, u ekzekutuan në një atentat të mirëorganizuar në Aeroportin e Rinasit, fill pasi të dy ishin kthyer nga Spanja. Dani ishte arrestuar bashkë me Emiljano Shullazin në vitin 2015 dhe ishte liruar në vitin 2023 me kusht pasi kishte kryer 2/3 e dënimit.

Të fundit