Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Atentati në Shijak/ Lidhja me vrasjen e Haxhiajve dhe grabitjen në Rinas, dyshime për tjetër ‘shënjestër’

Politiko 18 Prill 2022, 11:22

Atentati në Shijak/ Lidhja me vrasjen e Haxhiajve dhe grabitjen në

Orlando Paplekaj i shpëtoi plumbave të atentatorëve ende të paidentifikuar, që qëlluan drejt tij në rrugën dytësore në Shijak.

Paplekaj ishte duke udhëtuar me kamioçinë për të shpërndarë bombola oksigjeni, kur një mjet në lëvizje qëlloi drejt tij me armë zjarri. Policia e ka shtrirë hetimin në dy pista: njëra shihet si mundësi për inskenim me qëllim përfitimin e azilit dhe tjetra lidhja që Paplekaj ka me vrasjen e vëllezërve Haxhia në vitin 2020.

Njëri nga vëllezërit e Orlando Paplekajt, është kunat i vëllezërve Haxhia çka ka bërë që të hidhen dyshime se atentati i dështuar ndaj tij, të ketë ndonjë lidhje me vrasjen e tyre.

Dyshohet se vrasja e vëllezërve Haxhia është porositur nga e njëjta bandë kriminale, e cila kërkon pjesën e parave të grabitura në Rinas. Ata kanë kërkuar vrasjen e personave që kanë pasur dijeni për vendndodhjen e parave, por nuk kanë treguar. Asokohe, Paplekaj ka shërbyer si punonjës policie i sigurisë.

Një pistë tjetër, është edhe mundësia që Paplekaj ta ketë inskenuar skenën e atentatit me qëllim përfitimin e azilit.

Vetë Paplekaj pas deklaratës në polici, ka thënë për Report Tv se dyshon të mos ketë qenë ai shënjestra e atentatit, por punëdhënësi i tij. Ai i hedh poshtë të dyja pistat në të cilat po heton policia.

"Në momentin që u bë atentati kamionçina ka qenë e ndaluar. Isha duke komunikuar me disa persona qe ndodheshin aty. Në këtë moment kaloi një person tjetër pranë kamionçinës dhe në këtë moment u qëllua me armë. Unë personalisht mendoj se atentati mund të ketë qenë ndaj atij personi tjetër. Kam frike mos është një atentat ose paralajmërim ndaj punedhenesit tim pasi unë nuk kam asnjë konflikt. Nuk ka asnjë inskenim për azil pasi jam me letra të huaja. As nuk është e vërtetë që ngjarja mund të ketë lidhje me punën e tim ati që është polic apo punën time si roje sigurie. Deklarata ime në polici i qëndroj faktit që nuk e kam idenë se kush është motivi i këtij atentati. Policia më pyeti edhe për personin tjetër që ndodhej aty pranë unë nuk e njihja", tha Paplekaj për Report Tv.

Të fundit