Atentati në Vlorë/ Mitro: Kam qenë me kurriz, s'kam konflikte me askënd

Detaje të reja kanë dalë në dritë nga atentati i djeshëm me armë zjarri në Vlorë, shenjestër e së cilit ishte Marion Mitro.

Në dëshminë e dhënë para autoriteteve, Mitro ka deklaruar se ka qenë duke ecur me kurriz dhe nuk e ka parë autorin. Ai ka treguar se ka qëndruar i shtrirë deri në momentin që personat që e qëlluan që nga makina të largoheshin, ndërsa ka shtuar se kohët e fundit nuk ka patur asnjë konflikt dhe se nuk di për cilat motive është qëlluar drejt tij.

Policia ende nuk ka asnjë të dyshuar për ngjarjen e rëndë, nga e cila Mitro mori dy plumba, por fatmirësisht ndodhet jashtë rrezikut për jetën.

Kujtojmë se Mitro ka qenë pjesë e dosjes së “tritolit” të Julian Sinanit. Ai dyshohet se ka porositur atentatin e mbetur në tentativë ndaj ish-prefektit të Vlorës, Besnik Dervishi.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm