Flash News

Nga terreni në letër, Rama paralajmëron reformë të re për "tokat e xanuna"

Dyshohet se është vrarë, del foto e 23-vjeçarit që u gjet i vdekur në liqenin e Shkopetit

Aksioni në Theth, banori mes lotësh: Kam ndërtuar në tokën time me shpenzimet e jetës, shteti të mos i prishë

Drejtorët në shënjestër! Pas Fierit dhe Durrësit, Rama mbërrin në Elbasan

Emri/ Identifikohet 23-vjeçari që u gjet i pajetë pranë liqenit të Shkopetit

E-TJERA

E-mailet e Alqi Bllakos në duart e SPAK: Çfarë ka komunikuar me Mërtirin dhe Zoton?

Politiko 17 Nëntor 2022, 15:12

E-mailet e Alqi Bllakos në duart e SPAK: Çfarë ka komunikuar me

Akuzat ndaj ish-deputeti Alqi Bllako, si i përfshirë në aferën e inceneratorëve për të cilën ndodhet sot në qeli, janë rënduar pas daljes së fakteve të reja.

Sipas dosjes së hetimeve të SPAK, që gazetarja Klodiana Lala ka mundur të sigurojë del se Alqi Bllako ka pasur komunikime të rregullta periodike dhe të vazhdueshme, me dy të akuzuarit e tjerë, Mirel Mërtiri dhe Klodian Zoto.

Lala bëri me dije se në dosjen hetimore të SPAK-ut janë disa e-maile të shkëmbyera mes Alqi Bllakos dhe Mire Mërtirit. Burime të SPAK tregojnë se vendimi i Bashkisë së Elbasanit për shpalljen e emergjencës mjedisore i është dërguar Alqi Bllakos, asokohe me detyrë Sekretar i Ministrisë së Mjedisit.

Vendimin Bllako e ka kaluar në e-mailin e tij personal dhe më pas ja ka çuar Mirel Mërtirit dhe ky i fundit Klodian Zotos. Përpos komunikimeve lidhur me inceneratorët, është zbuluar se Bllako ka pasur kontakte me të dy edhe për çështje të kompanive të Mërtirit dhe Zotos.

“Janë disa e-maile të shkëmbyera mes Alqi Bllakos dhe Mirel e Mërtirit që janë konsideruar si prova nga SPAK për të çuar nën akuzë ish-deputetin. Sipas dosjes hetimore, nga burime të besuara të SPAK rezulton se vendimi i Bashkisë së Elbasanit për shpalljen e emergjencës mjedisore, rezulton të jetë përpiluar nga një punonjëse e ministrisë së mjedisit A.TH., e cila ia ka dërguar Alqi Bllakos me detyrë sekretar i ministrisë. Më tej Bllako e ka kaluar këtë email në adresën e tij private dhe i është dërguar dhe shtetasit Mirel Mërtiri dhe ky i fundit ia dërgon biznesmenit Klodian Zoto. Nga sekuestrimi i kompjuterit të Alqi Bllakos, i cili shkoi deri në Kuvend si deputet i PS-së, ka rezultuar se Alqi Bllako ka komunikime të vazhdueshme me shtetasin Mirel Mërtiri dhe shtetasit Klodian Zotot, që konfirmon se këta re persona kanë njohje me njeri-tjetrin. Komunikimet nuk kanë lidhje vetëm me inceneratorët, por Alqi Bllako flet dhe për aktivitete private të kompanive të Mërtirit dhe Zotos. Bllako ishte duke u hetuar vetëm për inceneratori ne Fierit, por ndërsa prokurori Klodian Braho ishte duke hetuar inceneratorin e Elbasanit, ka zbuluar dhe këto prova. Bëhet fjalë për dhjetëra e-maile të sekuestruara”, raportoi Lala.

Të fundit