Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

I plagosur në një apartament në Fier, dalin pamjet e arrestimit të Nuredin Dumanit

Politiko 30 Mars 2022, 08:24

I plagosur në një apartament në Fier, dalin pamjet e arrestimit

Kanë dalë pamjet e arrestimit të Nuredin Dumanit, të shumëkërkuarit nga ana e policisë. Ai u arrestua në një apartament në Fier, ku ishte fshehur pas përplasjes me armë zjarri që ndodhi pasditen e djeshme në aksin Elbasan-Peqin.

Dumani ka qenë i plagosur dhe i armatosur kur i janë vënë prangat në Fier, pasi kishte marrë një plumb në shtyllën kurrizore pas përplasjes me armë. Ai u transportua më pas në spitalin e Traumës në Tiranë.

Dyshohet se Dumani ka tentuar të vrasë Talo Çelën, një emër i njohur për policinë. Dumanit i janë sekuestruar armë, snajper, jelek antiplumb dhe dylbi.

Ky i fundit ishte shpallur në kërkim për një sërë krimesh të rënda. Ai dyshohet se ka ekzekutuar Bujar Çelën më 17 shtator të këtij viti.

Dumani akuzohet edhe për vrasjen e dy vëllezërve nga Puka, Besmir dhe Viktor Haxhia në 27 prill 2020 si dhe dy personave të tjerë në Shkozet të Durrësit, Dorjan Shkozës dhe Anxhelo Avdylit më 2 mars 2020, në të njëjtin vend, tek tregu i makinave.

Dumani konsiderohet si një person me rrezikshmëri të lartë shoqërore, ndërkohë që është ekzekutori i parë, nga tre personat e përfshirë në atentatin ndaj Bujar Çelës në afërsi Bradadeshit të Elbasanit.

Drejtori i Policisë së Shtetit doli në një konferencë për mediat në orën 01.00 të ditës së sotme, ku dha detaje mbi operacionin policor dhe tha se hetimet vazhdojnë.

 

Të fundit