I shpallur në kërkim/ Rezart Taçi nga Italia: S’kam kryer vepër penale, më kërkuan ndihmë për një llogari bankare

SPAK shpalli në kërkim biznesmenin Rezart Taçi për pastrim parash që rridhnin nga veprimtari kriminale. Pas vendimit të SPAK, ka reaguar edhe vetë biznesmeni.

Në një lidhje telefonike për ORA News, Taçi tregoi se si ishte kon taktuar me italianin Francesko Zumma, nga një profesionist ekonomie i cili i kishte kërkuar ndihmë për të hapur një llogari bankare në Shqipëri.

Taçi mohoi akuzat për përfshirje në një rrjet kriminal. Ai aktualisht pohoi se ndodhet në Itali dhe tha se shumë shpejt do të niset drejt Shqipërisë për t’u përballur me akuzat. Taçi mohoi përfitimin që sipas SPAK, do të merrte nga transaksioni dhe shtoi se nuk ka kryer asnjë vepër penale për të cilën akuzohet.

“Jam kontaktuar disa muaj më parë nga një profesionist ekonomist i zotit Francesko Zumma. Më është thënë të lutem a mund të më ndihmosh përmes një mikut tim të përbashkët me të cilin kam bashkëpunuar për 25 vite në fushën e karburanteve, të hapim një numër llogarie në Shqipëri.  Iu thashë jam shkëputur prej shumë vitesh. Do të vij në Shqipëri, në mënyrë të lirë në mënyrë ligjore, hapëm një llogari. Kaq është përfshirja ime. Detyra ime është dhe nuk shoh vepër penale dhe ku jam informuar për një vepër penale dhe ku e kam krye unë veprën penale”, u shpreh Taçi.

Gazetari: Nga cili vend flisni aktualisht?

Taçi: Unë në vitet e fundit jam duke qëndruar në shtetin italian.

Gazetari: Mometalisht jeni në kërkim. A keni marrë ndonjë kontakt nga autoritetet për vetëdorëzim?

Taçi: Jo, nga shteti italian nga sa kam informacion, shteti italian është informuar nga Shqipëria për këtë transaksionin, por nuk ka procedim në Itali. Kam vetëm procedim në Shqipëri dhe ndoshta shumë shpejt do të vij në Shqipëri për tu përballur.

Gazetari: Ju thoni se nuk keni pasur asnjë takim përpos një telefonate që keni pasur me Francesco Zummo, po roli i kunatit juaj Artur Balla dhe Bledar Lilon që janë në masën e arrestit me burg?

Taçi: Nuk kanë asnjë rol. Nëse dikush kërkon një ndihmë për të hapur një numër llogari dhe të thotë për ta shoqëruar, dhe ti pse e shoqëron je i akuzuar për vepra penale dhe strukturë të organizuar kriminale. Çfarë vepre penale kanë bërë ata?

Gazetari: Në dosje thuhet se ju do të përfitonin një komision nga e gjithë shuma që do të kalohej nga Italia në drejtim të Shqipërisë.

Taçi: Unë nuk kam përfituar asnjë shumë dhe nuk e kuptoj se cila është vepra penale. Edhe nëse përfiton para në të ardhmen, ku është vepra penale sepse nuk e di se cili është burimi i këtyre parave. Unë kontaktohem nga një profesion që më thotë se duan të hapi një llogari bankare. Unë duhet të informohem për një vepër penale që të bashkëpunoj.

Gazetari: Në cilin bankë është hapur llogari?

Taçi: Në bankën Alfa Bank.

Qyno Gazetari: Çfarë po ndodh me kompaninë tuaja, që më parë kanë pasur një boom ekonomik në Shqipëri. Çfarë po ndodh me kompaninë Taçi Oil dhe kompaninë e tjera?

Taçi: Për të gjitha ka pasur një skenar ekonomik dhe politik që këto kompani të goditeshin. Ky është një skenar i krijuar për këto kompani dhe personin tim. Unë do të dorëzohem në mënyrë absolute te drejtësia shqiptare.