I shtati në listë, Maliqi: Do jem më i votuari, opozita merr 5 mandate në Berat

Deputeti Lefter Maliqi

Deputeti Lefter Maliqi do të jetë në renditje i 7-ti në listën e LSI-së për qarkun e Beartit. Ai njoftoi pak ditë më parë se do të garojë me siglën e kësaj partie në Berat, ndërsa shprehu bindjen se do ta fitojë mandatin edhe pse është në fund të listës.

Maliqi u shpreh se ka kërkuar vet të jetë i pozicionuar në këtë renditje. LSI prezantoi këtë të hënë kandidatët për deputetë në 12 qarqet e vendit.

Maliqi theksoi se LSI në qarkun e Beratit do të marrë 3 mandate, ndërsa opozita e bashkuar sipas tij do të marrë gjithsej 5. Ndërsa nga krahu tjetër sipas tij, Partia Socialiste do të fitojë vetëm 2 mandate deputetësh.

“Me kërkesën time kam pranuar pas një kontakti me kryetaren e LSI, të isha i shtati në listë dhe drejtues në bashkinë Kuçovë. LSI në qarkun e Beratit do të marrë 3 mandate, opozita e bashkuar merr 5 mandate, 5 me dy në qarkun e Beratit dhe ky është një mesazh për të gjithë shqiptarët, ku socialistët e zhgënjyer tashmë janë bashkuar opozitës së bashkuar për fitoren e demokracisë, kundër censurës që kryetari i PS i bëri fjalës së lirë.

Unë pranova i shtati për t’i thënë sektit të rilindjes që do të jem më i votuari nga e gjithë lista e kandidatëve në të gjithë sektin e rilindjes. Kjo falë votave të pastra dhe janë votat e elektoratit gri dhe të socialistëve të zhgënjyer”, tha Lefter Maliqi.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm