Flash News

Dy ditë para zgjedhjeve, qeveria fal të gjitha gjobat e vendosura nga Janari 2015 deri në Nëntor 2024

“Giro d’Italia 2025” nesër në Vlorë/ Policia shpall masat e qarkullimit dhe parkimit për qytetarët

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

E-TJERA

Inaugurimi i Xhamisë së Namazgjasë dhe takime të nivelit të lartë, zbardhet agjenda e Erdogan në Shqipëri

Politiko 9 Tetor 2024, 15:48

Inaugurimi i Xhamisë së Namazgjasë dhe takime të nivelit

Presidenti i Turqisë, Recep Tayyip Erdoğan, do të zhvillojë nesër (e enjte, 10 tetor) një vizitë zyrtare në Shqipëri, ku do të pritet nga kreu i shtetit, Bajram Begaj. Agjenda e vizitës përfshin takime të rëndësishme dhe një ceremoni inaugurimi.

Sipas axhendës zyrtare, pritja do të mbahet në Presidencë rreth orës 11:30, pas së cilës do të zhvillohet një takim kokë më kokë mes Erdogan dhe Begaj. Pas këtij takimi, në orën 12:40, do të mbahet një mbledhje e përbashkët mes dy qeverive, ku do të nënshkruhen disa marrëveshje të rëndësishme. Në orën 14:00, kryeministri Edi Rama dhe presidenti Erdogan do të dalin në një konferencë të përbashkët për mediat.

Vizita e Presidentit turk kulmon me ceremoninë e inaugurimit të Xhamisë së Namazgjasë në Tiranë, e cila është planifikuar për në orën 16:30. Në këtë ceremoni, krahas Erdogan dhe Ramës, do të marrin pjesë edhe përfaqësues të Komunitetit Mysliman të Shqipërisë (KMSH), përfshirë Myftiun e Tiranës, Gazment Teqja. Xhamia ka qenë e mbyllur për disa vite për shkak të mosmarrëveshjeve mes Erdogan dhe Komunitetit Mysliman, por tani duket se është gjetur një zgjidhje.

KMSH ka konfirmuar pjesëmarrjen e tij në ceremoninë e inaugurimit dhe ka njoftuar se xhamia do të administrohet nga një fondacion i përbashkët.

Të fundit