Flash News

Futbollisti francez shpallet “lojtari i sezonit” në Champions League

Flakët përfshijnë masivin pyjor të Darëzezës në Fier

Aksident i rëndë në Vlorë, përplaset automjeti me dy të rinj, vdes njëri prej tyre

Policia Kufitare e Durrësit gjen dy turistë me skaf, njëri humb jetën, tjetri në gjendje të rëndë

Makina përplas motorin, vdes 67-vjeçari në Bilisht

E-TJERA

Inceneratori i Tiranës, Lala: Hetimet vijojn, kanë pastruar 20 mln euro offshore

Politiko 18 Korrik 2024, 21:56

Inceneratori i Tiranës, Lala: Hetimet vijojn, kanë pastruar 20 mln

Gazetarja Klodiana Lala foli për masat e sigurisë ndaj tetë personave, në kuadër të hetimeve të SPAK për inceneratorin e Tiranës. 

E ftuar në MCN, Lala tha se hetimet tregojnë se janë dërguar offshore rreth 20 milionë euro.

"Prokuroria ka firmosur masa ndaj disa personash, që prokuroria thotë se kanë ngritur grup kriminal dhe kanë pastruar 20 milionë euro.

Deri tani janë marrë rreth 100 milionë euro, ndërkohë inceneratori nuk ekziston. Prokuroria thotë se Mirel Mërtiri dhe Klodian Zoto e drejtojnë grupin kriminal dhe përmes bashkëpunëtorëve të tij kanë pastruar para duke i çuar në offshore.

Ilir Dedja, është hetuar nga autoritetet e huaja. Ndodhet në Zvicër ku jeton bashkë me familjen. U bë i njohur kur shpërtheu skandali në Zimbabve, tentativë për inceneratorët atje. Dedja është garantor i qirasë së partneres së Ahmetaj në Zvicër.

Personat e tjerë janë tre shtetas të huaj, njëri italian dhe dy te tjerët mbajtës të pasaportave holandeze.

Është Marc Lapat, administrator i Geogenix dhe Michael Druijts, të dy me pasaporta holandeze. Është shpallur në kërkim Giuseppe Cafaglione, administrator i inceneratorit të Tiranës.

Janë Denisa Tolkuçi, Dashamir Ymeraj dhe Endrit Habilaj, të shpallur në kërkim.

Sipas prokurororisë, përmes kompanive të ndryshme kanë kaluar në offshore një shumë prej 20 milionë euro.

Por kjo dosje, është thejsht për pastrimin e parave, jo për procedurat.

Pra hetimi për zyrtarët e Bashkisë së Tiranës, apo zyrtarë të tjerë të lartë, janë duke vijuar. Nëse hyjmë te teknikalitetet, kompani të hetuara, janë zinxhirë kompanish", u shpreh Lala. 

Të fundit