Flash News

Martesa e Luizit ‘e bekuar’ nga Erion Veliaj ishte mashtrim (Dokumenti)

Shoqërohet në polici Drejtori i Ujësjellësit në Shkodër

Sulmohen përsëri ushtarët e KFOR-it në Zveçan

Shkoi për të peshkuar, gjendet i vdekur i moshuari në Kuçovë

Tensionet në veri, Shefi i NATO-s: 700 forca shtesë në Kosovë

E-TJERA

Inflacion më i lartë nga sa pritej, BIRN: BSH i rikthehet shtrëngimit të politikës monetare

Politiko 23 Mars 2023, 17:52

Inflacion më i lartë nga sa pritej, BIRN: BSH i rikthehet

Banka e Shqipërisë vendosi të rrisë normën bazë të interesit në ekonominë shqiptare në 3% nga 2.75% që ishte më parë, duke deklaruar se reduktimi i inflacionit gjatë dy muajve të fundit ka qenë më i paktë nga sa analistët e saj patën shpresuar.

Norma bazë e interesit sjell ndryshim në kostot e kredive dhe interesat e depozitave në vend, si dhe në mënyrë indirekte ndikon interesat e borxhit publik.

Banka e Shqipërisë e pati ndërprerë rritjen e interesave muaj më parë, besohet për shkak se interesat e borxhit publik u rritën shumë përtej asaj ishte e arsyeshme, duke sjellë shqetësime serioze për ekonominë e vendit.

Hera e fundit që BSH ndryshoi interesat ishte 3 nëntori i vitit 2022. Por edhe pas rritjes së fundit, Shqipëria mbeter një vend me normë interesi të ulët në krahasim me vendet e zhvilluara. Vetëm pak ditë më parë, Rezerva Federale në SHBA rriti normën e interesit nga 4.75 në 5% ndërsa Banka Qendrore Evropiane e rriti nga 3 në 3.5%.

“Këshilli Mbikëqyrës gjykoi se presionet e larta inflacioniste që burojnë nga ambienti i brendshëm janë një faktor i rëndësishëm rreziku, së pari, për respektimin e objektivit të stabilitetit të çmimeve dhe, më tej, për rritjen e qëndrueshme dhe afatgjatë të vendit,” deklaroi guvernatori Gent Sejko të enjten në konferencën për shtyp për komunikimin e vendimit.

“Në këto rrethana, ai e vlerësoi të nevojshme reduktimin e stimulit monetar nëpërmjet rritjes së normës bazë të interesit. Këshilli Mbikëqyrës vëren se kjo masë është në përputhje me komunikimet tona të mëparshme dhe në konsistencë me lëvizjet e fundit të bankave kryesore qendrore,” shtoi ai.

Bashkë me normën bazë të interesit, BSH rriti interesin me të cilin i ofron bankave të nivelit të dytë kredi njëditore në 4% si dhe normën e pranimit të depozitave nga këto banka në 2%.

Parashikimi aktual i Bankës së Shqipërisë është që inflacioni do të vijojë të jetë i lartë, por në ngadalësim dhe se ai pritet të kthehet në normalitet nga mesi i vitit të ardhshëm.

Objektivi i BSH është që inflacioni të luhatet në rreth 3%. Në mars inflacioni ishte 7.1% ndërsa pati shënuar kulmin në tetor me 8.3%. Reporter.al