Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Investigimi i RAI, ironia e gazetarit: Po iu hoqe propagndën, Rama dhe Agaçi ia futin vrapit

Politiko 22 Prill 2024, 11:07

Investigimi i RAI, ironia e gazetarit: Po iu hoqe propagndën, Rama dhe

Gazetari Klodian Tomorri ka ironizuar kryeministrin Edi Rama dhe Sekretarin e Përgjithshëm të Këshillit të Ministrave, Engjëll Agaçi, të cilët u përmendën në investigimin e RAI 3.

Në një postim në Facebook, Tomorri shkruan se si Rama dhe Agaçi, ia futën vrapit para gazetarit italian, i cili erdhi në Shqipëri të bënte gazetari dhe jo propagandë.

Tomorri citon një pjesë nga investigimi, ku ish-shefi i Interpolit pyetet se pse i dhuroi 3 hektarë tokë trafikantit, dhe ai thotë se nuk e njihte personin në fjalë, por ia kishte prezantuar Agaçin.

“E pyeti gazetari i RAI-t, ish-shefin e Interpolit në Shqipëri, gjeneral Lisin; ore si pranove dhurim 3 hektarë tokë nga trafikanti më i madh i Shqipërisë ti?

Po ku e njihja unë kush ishte ai- përgjigjet gjenerali- Engjëll Agaçi ma solli. Ai e bëri këtë.

Nejse, një të mirë pati kjo pune. Se komandanti ynë i madh jep intervista gjerë e gjatë me gazetarët e huaj, që blejnë këta lart e poshtë, ku flet për sukseset e mëdha të Shqipërisë dhe madje edhe se si fuqitë e botës i marrin mendim Shqipërisë për çdo gjë.

Kurse me këta gazetarët e huaj që kishin ardhur për të bërë tamam gazetari, komandanti ia kishte futur vrapit. Lëre më Agaçi pastaj, në kokërr të vrapit. Këmbët e shpejta dhe faqebardhë. Doli ylli, doli hëna, ik Cane se na u ashtu nena.

Me pak fjalë, këtyre po u hoqe propagandën, bëhen si puna e atij skeçit me Rremen e Durrësit. Ditën tullë, natën qull”, shkruan gazetari.

 

Të fundit