Flash News

Berisha nis turin në Strasburg

Mbërrijnë në Shqipëri fletët e votimit që do të përdoren nga diaspora

Vritet me armë zjarri 52-vjeçari shqiptar në Itali

Kreu i Prokurimeve Publike paraqitet në SPAK

Aksident i rëndë në hyrje të tunelit të Murrizit, plagosen 4 persona, nisen drejt Traumës

E-TJERA

Investimet publike që janë planifikuar për 2022-shin, sa do t'i kushtojnë buxhetit të shtetit

Politiko 3 Janar 2022, 10:03

Investimet publike që janë planifikuar për 2022-shin, sa do

Për vitin 2022 janë planifikuar 822 investime publike, të cilat do të financohen nga buxheti i shtetit. Kështu thotë "Open Data Albania", ndërsa shton se vlera totale e tyre është 493 miliardë lekë.

Ndërsa 141 investime të tjera janë me financim të huaj, me vlerë në total 370.3 miliardë lekë. Investimet e reja me financim të huaj, kryesisht janë projekte të Bankës Botërore, Bankës Europiane për Zhvillim dhe Rindërtim, Bankës Europiane të Investimeve dhe Qeverisë Franceze dhe Zvicrës.

Sipas "Open Data Albania", institucioni me numrin dhe vlerën më të lartë të projekteve të reja të investimit është Ministria e Mbrojtjes. Kjo e fundit ka planifikuar 32 investime të reja me vlerë rreth 12.8 miliardë lekë, ndjekur nga Fondi Shqiptar i Zhvillimit me investime në vlerë 12.3 miliardë lekë dhe Ministria e Kulturës me 5.8 miliardë lekë.

Projekti Sisteme dhe Infrastrukturë TIK për Forcat Ajrore (Reparti Ushtarak Nr. 3001, Tiranë), ka koston më të lartë buxhetore, ku vetëm për vitin 2022 shteti do të paguajë 1.29 miliardë lekë. Vlera totale e këtij projekti të ri publik, me kohëzgjatje 2022-2024, është 4.38 miliardë lekë dhe duhet të realizohet nga Ministria e Mbrojtjes.

Projekti Godina e Teatrit Tiranë është investimi i dytë publik me peshën më të lartë në Buxhetin e Shtetit për vitin 2022, me rreth 900 milionë lekë. Ky projekt do të realizohet nga Bashkia e Tiranës për periudhën 2022-2024 dhe ka vlerë totale prej 4.8 miliardë lekë.

Ndërsa i treti sa i takon vlerës është projekti i ndërtimit të godinës së re të Akademisë së Forcave të Armatosura, i cili ka kosto prej 500 milionë lekësh dhe do të zbatohet po ashtu nga Ministria e Mbrojtjes. Ky investim parashikohet të zgjasë deri në 2024.

Ndërsa, sa i përket investimeve me financim të huaj, nga 15 në total, tre me vlerën më të lartë për 2022 janë: Projekti për Forcat e Luftimit me vlerë 11.9 miliardë lekë, programi kombëtar i modernizimit të sektorit të ujësjellës kanalizime me vlerë 9.2 miliardë lekë dhe projekti i rikonstruksionit të rrjetit të brendshëm për Bashkinë Durrës,  me vlerë në total prëj 7.38 miliardë Lekë. 

 

Të fundit