Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ish-anëtari i bandës shqiptare: Qeveria britanike mund t’i ndalojë gomonet, por nuk do

Politiko 25 Gusht 2025, 09:27

Ish-anëtari i bandës shqiptare: Qeveria britanike mund t’i

Një ish-anëtar i një bande shqiptare që kontrabandonte njerëz drejt Britanisë ka deklaruar se qeveria britanike ka mundësinë të ndalojë kalimet e gomoneve përmes Kanalit të La Manshit “që nesër”, por nuk dëshiron ta bëjë këtë.

Duke folur për Daily Express në kushte anonimati, ai akuzoi Partinë Laburiste se nuk po i ndalon këto kalime pasi “fuqia punëtore e vendit përfiton” nga ardhja e emigrantëve.

Sipas tij, ndalimi i nisjes së gomoneve nga Franca do të ishte “i lehtë”, pasi shumica e tyre largohen nga vetëm dy ose tre pika të njohura përgjatë vijës bregdetare franceze, duke ndjekur rrugë të gjurmueshme.

Kontrabandisti pranoi se kishte fituar rreth 400,000 paund nga qindra emigrantë, përpara se të hiqte dorë nga aktiviteti në fillim të këtij viti.

Ai gjithashtu e quajti “të qeshura” protestat kundër emigrantëve jashtë hoteleve britanike që strehojnë azilkërkues.

“Shumica e pasagjerëve janë të rinj të pashpresë, të gatshëm të rrezikojnë jetën për një të ardhme më të mirë. Nuk mendoj se një grua me një fëmijë të vogël mund të konsiderohet kriminele”, tha ai, duke shtuar se emigrantët nuk janë “problemi kryesor” i Britanisë.

Të fundit