Flash News

Përfundon numërimi në Rrogozhinë, PS del forcë e parë

Arrestohet babai i kandidates së PSD në Fier, policia: Bleu vota për të bijën

Kanosje për një votë, nënkryetari i partisë nën hetim nga SPA

PD-ASHM kryeson në Kukës pas numërimit të 71 kutive

BIRN: Krimi i organizuar “orientoi” votën në Durrës

E-TJERA

Ish-deputetja kosovare nga protesta: "Ballkani i Hapur" thikë pas shpine Kosovës, Rama ta shpallë nul

Politiko 20 Dhjetor 2021, 17:06

Ish-deputetja kosovare nga protesta: "Ballkani i Hapur" thikë pas

E pranishme në protestën e thirrur nga ish-kryeministri Sali Berisha kundër ardhjes së presidentit serb Aleksandër Vuçiç në Tiranë, ka qenë edhe ish-deputetja e LDK-së, Melihate Tërkmolli.

Në fjalimin e mbajtur para protestuesve, Tërkmolli u shpreh kundër 'paktit djallëzor' duke e cilësuar nismën "Ballkani i Hapur", thikë pas shpine ndaj Kosovës. Tërkmolli deklaroi se edhe nëse Serbia e njeh Kosovën, nuk do ta pranojnë "Ballkanin e Hapur".

Ndër të tjera, ish-deputetja e Kosovës deklaroi se Shqipëria ka dy liderë dhe prijës historik, presidentin Ibrahim Rrugova dhe Sali Berishën.

"Në këtë protestë madhështore në kundërshtim të një pakti djallëzor për Ballkanin e Hapur, për një thikë pas shpine Kosovës. Ne do ta kundërshtojmë përgjithmonë dhe fuqia e popullit është e madhe. Ne do ta kundërshtojmë projektin serb, atë që vetë serbët e quajnë ‘Bota Serbe’. Por kjo nuk do të ndodhë, është kalaja Kosovës dhe janë shqiptarët në Shqipëri dhe kudo ku janë.

Vuçiçi është ndër kritikuesit më të mëdhej të Millosheviçit. Nuk e kritikon se pse bëri gjenocid ndaj shqiptarëve, por se pse nuk e çoi në fund projektin e tij për shfarosjen e shqiptarëve. Edhe nëse Serbia do ta njohë Kosovën, ne nuk do ta pranojmë ‘Ballkanin e Hapur’.

Edi Rama duhet ta shpallë nul këtë pakt. Kosova nuk e pranon këtë pakt. Ne shqiptarët kemi vetëm një pakt dhe një lidhje, atë me SHBA dhe Perëndimin. Ky është pakti ynë.

Amerika është me shqiptarët, me popullin shqiptar, ndërsa shqiptarët janë me Sali Berishën.

Shqiptari ka dy liderë dhe prijës historik, të madhin Presidentin Ibrahim Rrugova dhe prijësin dhe udhëheqësin aktual, të madhin Sali Berisha. Sa herë që të cenohet kombi ynë, do të jemi bashkë. Zoti e bekoftë Kosovën, Shqipërinë, shqiptarët në Maqedoni, Preshevë, Mal i Zi, e Çamëri", u shpreh ish-deputetja e Kosovës.