Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ish-luftëtarët e UÇK-së në Hagë/ Heshtja e lidershipit shqiptar, Shano: Po k**vërojnë për përfitime personale në arenën ndërkombëtare

Politiko 9 Nëntor 2020, 20:04

Ish-luftëtarët e UÇK-së në Hagë/ Heshtja e

Analisti Dritan Shano ka kritikuar qëndrimin e lidershipit shqiptar në raport me daljen e ish-Presidentit Hashim Thaçi dhe ish kreut të Kuvendit të Kosovës, Jakup Krasniqi para Gjykatës Speciale, pasi akuzohen për krime lufte.

Sipas Shanos, lidershipi ka një sjellje prej skuthi ndaj kësaj që po ndodh, dhe po tentojnë të shmangen prej kësaj çështje kombëtare.

Reagimi i plotë:

Mendoj se të gjitha lidershipet shqiptare - pozita+opozita - duhet të dalin me një qëndrim të përbashkët përsa i përket Luftës Çlirimtare në Kosovë, proçeseve ku liderë të ndryshëm të UÇK thirren si të akuzuar në Gjykatën e Hagës, dhe deri njohjen apo jo të kësaj Gjykate. Ta nënshkruajnë publikisht të gjithë në Shqipëri, Kosovë, Maqedoninë e Veriut dhe Mal të Zi, dhe ta dorëzojnë zyrtarisht në Hagë, Bruksel e Ëashington.

Është e qartë që e gjitha kjo që po ndodh në mënyrë të përsëritur, prej disa vjetësh tashmë, synon vetëm një gjë, delegjitimimin dhe kriminializimin e luftës së shenjtë për të mbrojtur Kosovën, çlirimin dhe pavarësinë e saj. Mbrojtja e Kosovës me armë në dorë ndaj sulmit më armë dhe genocidit serb mbi popullsinë kosovare po quhet rëndom nga Gjykata e Hagës si një "ndërmarrje kriminale".

Lidershipet shqiptare po heshtin për këtë. Kam idenë se lidershipet shqiptare kanë një sjellje prej skuthi ndaj kësaj që po ndodh, dhe po tentojnë të shmangen prej kësaj çështje kombëtare dhe të kurvërojnë për përfitime personale në arenën ndërkombëtare.

Lidershipet shqiptare në Ballkan janë po të njëjtët prej shumë kohe, janë thartuar në pushtet, e patjetër mund edhe mos ta duan njëri-tjetrin sepse dikund janë prishur, zilepsur, armiqësuar në garat individuale mes tyre për më shumë famë, pushtet, pasuri, favore personale apo fotografi-suvenir me të parët e botës.

Por në Hagë nuk thirren thjesht ata personalisht. Në Gjykatën e Hagës po përkufizohen si "ndërmarrja kriminale" edhe ata mijëra që dhanë jetën, që u përdhunuan, që luftuan, dhe që e ndihmuan luftën nga çdo cep i botës, por që nuk ua dimë emrin..

Pasiviteti, indiferenca, hedhja e kunjave, tentativa për të lexuar se çfarë duan ndërkombëtarët, skllavëria fluide ndaj interesave të tjera, nuk mund kurrsesi të shiten si mençuri, urtësi dhe largpamësi nga "baballarët e kombit" të çdo kufiri ku kombi shqiptar ndodhet.

Mosmbajtja e një qëndrimi unik dhe uniform ndaj arrestimeve të njëpasnjëshme të atyre që luftuan për të mbrojtur Kosovën nga Miloseviç & Co. nuk është as patriotike, as kombëtare, dhe aspak inteligjente.
.
.
ps. meqenëse i kemi qejf shfaqjet mediatike, liderët shqiptarë të Ballkanit, të vijnë e ta firmosin këtë deklaratë në Vlorë më 28 Nëntor, në mes të Sheshit të Flamurit, pikërisht atje ku filloi Shqipëria.