Flash News

Bien infektimet nga Covid-19 në vend, shënohen tre humbje jete

Kriza ekonomike/ PD del me dy propozime, Berisha-Ramës: Revolta qytetarë do të vendosë për këto 2 kërkesa

Aksident në aksin Lezhë-Shkodër/ 7 të plagosur, një fëmijë në gjendje kritike

Posta e mëngjesit/ Me 2 rreshta: Çfarë pati rëndësi dje në Shqipëri

Bilanci i Covid-19 në vend, sa infektime dhe humbje jete u regjistruan në 24 orë

E-TJERA

Ish-ministri i Ramës: Oligarkët zotërojnë asetet publike të shqiptarëve, korrupsioni nis nga shitblerja e votës

Politiko 4 Korrik 2022, 13:52

Ish-ministri i Ramës: Oligarkët zotërojnë asetet publike

Ish-ministri i Brendshëm Sandër Lleshaj, ka folur rreth rrugës së integrimit të Shqipërisë në BE duke nënvizuar disa nga problematikat me të cilat ndeshet sot vendi.

Në një intervistë për Panorama.al, Lleshaj u shpreh se korrupsioni është plaga më e madhe e shoqërisë, teksa shtoi se zanafilla e korrupsionit fillon nga shitblerja e votës. Ish-ministri u shpreh se ëshë e vështirë që Shqipëria të ketë një sukses real dhe konkret në luftën kudër korrupsionit.

“Korrupsioni është plaga më e madhe e shoqërisë shqiptare, një plagë që i ka bërë vendit tonë dëme shumë herë më të mëdha se sa vetë krimi. Korrupsioni është produkt i zvetënimit moral të shoqërisë tonë, e cila tashmë pothuajse i ka arkivuar disa nga vlerat morale që normalisht duhet të ishin kolonat reale që e mbajnë në këmbë atë dhe vetë kombin. Zanafilla e korrupsionit gjendet tek papërgjegjshmëria, naiviteti apo grykësia e atyre që shesin votën. Të gjithë ata që e shesin atë lirë (të varfrit), ata që e shesin shtrenjtë (të pasurit) dhe ata që e falin (budallenjtë) janë kultivuesit e parë të korrupsionit. Pa shkuar në zanafillën e problemit, është e vështirë të besohet se do të kemi ndonjë sukses real në shpresën kundër korrupsionit”, tha Leshaj.

I pyetur nëse janë apo jo pasuritë e shqiptarëve në duart e oligarkëve, ish-ministri tha se se Shqipëria ka shumë oligarkë, të cilët kanë zotëruar naftën, mineralet, plazhet e deri te asetet e tjera publike.

“Pasuritë tona kombëtare kanë pësuar disi të njëjtin fat që pësoi rezerva kombëtare e arit. Megjithëse gjatë këtyre tri dekadave është thënë përherë se ekonomia jonë vetëm rritet, pasuritë tona publike, apo kombëtare po të doni, vetëm janë zvogëluar. Sa i përket oligarkëve. Te ne ky term duket sikur nuk përkufizohet dhe nuk kuptohet qartësisht. Duke formuluar një përkufizim jo akademik, do të thosha se oligarkët janë ata që marrin si përfitim privat atë pasuri që normalisht i përket publikut. A kemi ne të tillë? Jashtëzakonisht shumë. Janë ata që zotërojnë naftën, mineralet, pyjet, ujërat, plazhet, frekuencat, të drejtat sovrane e shumë asete të tjera publike”, u shpreh ish-ministri.

Të fundit