Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ish-ministri: Mos nxirrni konkluzione me teori dhëndërash, vendoseni në provë Belindin

Politiko 17 Janar 2023, 10:22

Ish-ministri: Mos nxirrni konkluzione me teori dhëndërash, vendoseni

Ish-ministri Ylli Manjani ka komentuar kandidaturën e Belind Këlliçit për Bashkinë e Tiranës. Ai është ndalur edhe te sulmet ndaj Këlliçit, që lidhen me faktin se është dhëndri i një ish-zyrtari socialist. Sipas Manjanit, këto pretendime nuk kanë vend, ndërsa shton se janë arsye ku mund të kapen vetëm kundërshtarët e tij politikë.

“Belind Këlliçi qënka i dashuruar me vajzën e Artan Shkrelit. Si gjithë të rinjtë sot të dashuruarit rrinë bashkë edhe me familjet përkatëse dhe mirë e bëjnë.

Mirëpo për shkak se Belindi është në garë për Bashkinë e Tiranës, për shumë teoricienë facebook-u, kjo quhet njollë në biografi. Për disa të tjerë "shitje loje" se medemek martesa me ata të  sh fesë tjetër (batutë nga filmi Çifti i Lumtur) është lojë e humbur.

Ja kjo është teoria, teoria " e dhëndërrit tonë" pra, që e ka artikuluar Erion Veliaj i pari.  Problemi nuk është çfarë thotë Erioni, se ai dihet që ska as ide dhe asnjë projekt politik të vetin. Ai bën ç'i thotë Edi, ndaj është aty ku është. Po mirë mo, ja është dhëndërri i Tan Shkrelit, e ça pastaj?! Kush është për tu mundur Tani apo Rama/Veliaj?!”-shkruan Manjani në rrjetet sociale.

Ky i fundit thekson se Erion Veliaj duhet të largohet nga drejtimi i Bashkisë së Tiranës, ndërsa bën thirrje që interesi personal të ndahet nga ai publik. Manjani thotë se kushdo që ka dyshim për Belindin, ta vendosë atë në provë.

“A duhet një ndryshim në bashkinë Tiranës? Mos ndoshta duhet ndihmuar Erioni të largohet nga Bashkia dhe të punojë për të marrë Partinë?! Pse nuk u dashka ndëshkuar një gënjeshtar kronik, një mbajtës detyre publike pa asnjë projekt, vizion apo ide?! Madje edhe pa vota. Ai nuk është votuar kurrë si politikan,por është i emëruar nga Edi Rama.

Kaq sa kemi mbetur në këtë vend jemi padyshim kushërinj e kruq. Jemi aq pak sa edhe kur sjemi gjë, prap biem diçka.  Ndaj mirë është ti ndajmë gjëra personale të sdcilit nga interesi publik.

Kushdo që ka dyshim për Belindin, i sugjeroj ta vërë në provë. Ta pyesë e djersë ti nxjerrë. Për këtë punë është fushata. Por mos na nxirrni konkluzione idiote me teori dhëndërrash”, shkruan ndër të tjera Manjani.

Të fundit