Ish-ministri socialist: Rama do ketë një fund si lideri më antieuropian në historinë e Shqipërisë

Ish-ministri socialist i Financave, Arben Malaj thotë se nëse Rama do të vijojë me kapricot e tij me qeverisjën si mbretëri kryeministrore koston do e vuajnë shqiptarët.

Ai shpreh shqetësimin për influencat për ta bllokuar Shqipërinë të ecë në rrugën e integrimit europian dhe ka një apel dhe për ministrin e Jashtëm, Ferit Hoxha.

Ai duhet ta qartësojë kryeministrin se Shqipëria ka vetëm një rrugë të ecë përpara, nuk e pengon Edi Rama. Do krijojë ca pengesa por do të ketë një fund si lideri më antieuropian në historinë e Shqipërisë.

Malaj ka dhe një apel për gjeneratën Z, të cilëve u  bën thirrje të marrin në dorë fatin e Shqipërisë.

“Problemi është se Rama ka besuar në mënyrë të verbër se dashuria e madhe e liderëve europianë me batutat e tij do i lehtësonte rrugën Shqipërisë, por kjo nuk është e vërtetë. Për 11 vite rresht Rama nuk bëri asnjë hap përpara. Dy vitet e fundit, BE nuk do që të lërë të vdesë inspirimin  në Ballkan për të ardhmen. Në këtë aspekt u lehtësua procesi i çeljes së kapitujve.

Vija e kuqe është ndëshkimi i të pandëshkueshmëve kushtëzonte integrimin në BE. Miratimi i reformës është nën mbikqyrjen e drejtëpërdrejtë të disa vendeve të BE-së dhe në momentin që identifikohen disa hapa pas, sidomos jo thjesht në faktin që u dënua ky apo ai, por a do të marrim masa për të bllokuar fuqinë e SPAK e të krijojmë imunitet mbrojtës për politikanët është e papranueshme. Ta kesh këtë problem me Gjermaninë është akoma më e dhimdshme.

Këtu ka një dashamirësi nga Gjermania që del ballë për ballë e thotë: ose do ta bëjnë reformën ose do të rrijnë të presin. E të rrish të presësh është të humbasësh, sepse Mali i Zi u krijua si shtet me një formulë të veçantë për ta ndarë nga ish Jugosllavia, me të vetmin qëllim gjeostrategjik që rusët  e kinezët të mos kenë akses në Mesdhe. Në këtë aspekt do të favorizohen.

Në momentin që Shqipëria vetëpengohet për ego, atëherë hapet rruga për një shtet tjetër. Nëse Rama do të vijojë me kapricot e tij me qeverisjën si mbretëri kryeministrore koston do e vuajnë shqiptarët. Jam shumë i shqetësuar me tendencat egoiste, ose influencat për ta bllokuar Shqipërinë të ecë në rrugën e integrimit europian.

Veton nuk e heq dot Rama edhe ta dorëzojë. Nuk e di pse e bëri vetëm me Vuçiçin se mund ta bënte si propozim I Ballkanit Perëndimor, por ato dashuritë e vjetra se do të shkëmbejmë territoret dhe do të zhdukim konfliktet Shqipëri – Kosovë, janë hipnozat e një lideri të palexuar për BE-në dhe egoist. Në kuptimin që Shqipëria varet tek unë se unë kam marrë 83 vota. E do ta dalë dhe kundër reformës në drejtësi e cila mori përgjigje të menjëhershme nga Gjermania.

Më vjen keq për deputetët dhe ministrin e Jashtëm. Ai duhet ta qartësojë kryeministrin se Shqipëria ka vetëm një rrugë të ecë përpara, nuk e pengon Edi Rama. Do krijojë ca pengesa por do të ketë një fund si lideri më antieuropian në historinë e Shqipërisë. Europa është e njohur për atë që quhet ‘soft poëer’ . Europa të falenderon ta jep mesazhin po e lexove mirë, nëse jo merr kostot që meriton.

Rama kërkon të duket model nga atletet dhe është feudal në qëndrimet që merr për të mbajtur Shqipërinë jashtë BE-së. Rama është peng I vetvetes dhe i atyre që e mbajnë në pushtet edhe me fuqi kriminale. Ua kam thënë në sy atij dhe socialistëve. Turp që Shqipëria të ngec në procesin e integrimit për qëllimet që Rama e bllokon, dhe nuk duhet të jenë qëllime të lehta se nuk është aq naiv ai. Ka dicka shumë të vështirë pse ai del kundër Gjermanisë e vendeve të tjera.

Apel për gjeneratën Z që moçali i politikës shqiptare i ka vrarë ëndrrat. Sheshet duhet të marrin të rinjtë. Rinia shqiptare duhet të marrë më shumë përgjegjësi.”– tha Malaj për ‘Task Force’.