"Ishte fat që jemi gjallë"/ Makina ku udhëtonte Rama doli nga rruga, Dhame: Filloi të më gërthiste mua

Foto ilustruese

Presidentja e Federatës së Motoçiklizmit, Julinda Dhame ka treguar një nga momentet e vështira, ku së bashku me kryeministrin Edi Rama dhe këshilltarin e tij, Endri Fugën po udhëtonin drejt Fierit dhe nga shpejtësia e lagështira makina doli jashtë rruge.

Ky incident ka ndodhur gjatë fushatës elektorale të 2012, shton ajo.

“Ne në kohën e fushatës në 2012 patëm një aksident me makinë edhe rastësisht kryetari i partisë në atë kohë që është edhe tani faktikisht ishte në makinë me ne. Unë kam qenë me Endri Fugën në makinë edhe me dy persona të tjerë dhe kishim shofer një shokun tonë.

Kemi qenë duke shkuar në Fier në një takim elektoral dhe aty po ecte me shpejtësi shumë të madhe, ndërkohë që binte shumë shi dhe makina na nxjerr jashtë rruge dhe shyqyr Zotit ishte fat dhe na ra vetëm goma dhe patëm një problem tjetër, them ishte fat realisht që ne ishim gjallë në atë moment", tha Dhame për “Fol me mua”.

Kjo e fundit shton se kryeministri e "bëri me faj", marrë shkas nga profesioni i saj.

"Edhe aty filloi të më gërthiste mua Edi Rama se ti e ke fajin se ti bën gara me kta, kta të shofin ty ecin shpejt prej teje edhe domethënë në një farë mënyre mu sul mua sikur isha unë, ndërkohë ishte ai që i thoshte ecim shpejt se jemi vonë edhe unë vetëm qeshja sigurisht edhe i thashë mos fol kshu se duhet ta mësosh makinën, ta dish ti makinën si i jepet pastaj të akuzosh dhe atë vetë që i dha makinës jo më mua që unë isha pasagjere”, tha Dhame.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm