Ishte në kërkim/ Ish-kryetari i Qarkut Kukës nxjerr armën dhe lëndon 5 policë

Ish-kryetari i Qarkut të Kukësit, Abedin Oruçi është përplasur me forcat e policisë. Pas ndalimit, ai ka nxjerrë armën në drejtim të tyre.

Mësohet se pesë punonjës policie kanë mbetur të lënduar, por nuk është e qartë nëse ata janë plagosur nga Oruçi. Pas përplasjes me policinë, ai është larguar menjëherë. Ndërkohë, në vendngjarje ndodhen dy prokurorë dhe forca të policisë së Kukësit.

Ish-kryetari i Qarkut të Kukësit, akuzohet për "Kundërshtimi i punonjësit që kryen një detyrë shtetërore ose një shërbim publik”, ” Kanosja për shkak të detyrës” si dhe për “Ndërtim pa leje”.

Njoftimi nga Prokuroria e Kukësit:

Më datë 20.10.2020, Prokuroria pranë Gjykatës së Shkallës së Parë Kukës, ka nxjerrë urdhër ndalimi për shtetasin Abedin Oruçi, 54 vjeç, banues në Kukës, i dyshuar për veprat penale “Kundërshtimi i punonjësit që kryen një detyrë shtetërore ose një shërbim publik”, ” Kanosja për shkak të detyrës” si dhe “Pushtimi i tokës” . Mësohet se po punohet për kapjen e shtetasit.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm