Flash News

Sherri tek zyrat elektorale të PSD, del foto e autorit me "Skorpions" të zi në dorë

Lobimi/ Sqaron Celibashi: PD s’ka asnjë detyrim të depozitojë dokumente

Fushata anti-amerikane e Edi Ramës

SPAK nis hetim për takimet e ish-shefit të Rrugores, merr në pyetje dy shefa komisariatesh

Zbardhet pas 7 vitesh krimi në Voskopojë, Antonio Karafili nuk u vetëvar, lëshohet urdhër arrest për ish të dashurën

E-TJERA

Itali/ 27-vjeçarja shqiptare gjendet e lidhur dhe pa shenja jete në një pemë

Politiko 29 Prill 2025, 19:29

Itali/ 27-vjeçarja shqiptare gjendet e lidhur dhe pa shenja jete në

Një ngjarje tragjike ka tronditur Montecilfone-n në Itali, ku një grua 27-vjeçare me origjinë shqiptare u gjet pa jetë mbrëmjen e së dielës, më 28 prill. Trupi i saj u zbulua i lidhur në një pemë pranë zonës së njohur si “Ura e Sherifit”, përgjatë rrugës që lidh Larinon me Biferninën.

Prokuroria Publike e Larinos ka hapur një dosje hetimore dhe ka urdhëruar kryerjen e autopsisë, e cila është planifikuar për të premten, më 2 maj. Në terren, karabinierët po vijojnë me hetimet për të zbardhur plotësisht rrethanat e vdekjes misterioze.

Ish-bashkëshorti i 27-vjeçares, një 51-vjeçar, ishte personi që dha alarmin, pasi shqetësohej se ajo mund të kryente një akt ekstrem. Pikërisht ai njoftoi autoritetet dhe shoqëroi karabinierët në vendin ku u gjet trupi i pajetë. Ai është marrë në pyetje për disa orë, por për momentin nuk ka persona zyrtarisht nën hetim dhe hetuesit po ruajnë një diskrecion maksimal mbi rrëfimin e tij.

E ndjera, nënë e një djali 7-vjeçar, jetonte e vetme me fëmijën pas përfundimit të marrëdhënies me bashkëshortin. Sipas banorëve të fshatit, ajo ishte e njohur për përkushtimin në punën e saj në një qendër për emigrantët dhe për dashurinë e pakushtëzuar ndaj të birit, i cili përshkruhej si "qendra e jetës së saj".

Komuniteti i Montecilfone-s është në zi, i shokuar nga humbja e papritur dhe mënyra e rëndë në të cilën ndodhi ajo. Në rrjetet sociale janë derdhur mesazhe të dhimbshme nga miq dhe të afërm, të cilët e kujtojnë si një vajzë gjithmonë të buzëqeshur dhe të përkushtuar ndaj fëmijës së saj.

Vetëm rezultatet e autopsisë pritet të japin një përgjigje të qartë për shkaqet e vdekjes, ndërsa fshati pret me ankth të zbardhet e vërteta pas një ngjarjeje që ka lënë pas vetëm pikëpyetje dhe trishtim.



 

Të fundit