Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

E-TJERA

Itali/ Kapen 172 kg kokainë me logon e KF Tiranës, në pranga 3 shqiptarë

Politiko 11 Shkurt 2025, 20:58

Itali/ Kapen 172 kg kokainë me logon e KF Tiranës, në pranga 3

Tre shqiptarë janë arrestuar gjatë një operacioni anti-drogë në Itali, ku policia zbuloi një sasi të madhe kokaine prej 172 kilogramësh. Sipas mediave italiane, aksioni është zhvilluar në Bolonja dhe Modena, pas një hetimi që çoi në ndalimin e tyre më 6 shkurt pranë një zone industriale në Rubiera.

Të arrestuarit janë dy vëllezër shqiptarë, një djalë i lindur në vitin 1997 dhe një vajzë e lindur në 2004, si dhe një tjetër bashkëpunëtor, i lindur në 1982, të gjithë pa precedentë penalë.

Policia vëzhgoi një kamion të ndaluar, nga i cili shoferi i dorëzoi me kujdes një zarf të verdhë të rëndë dy të rinjve shqiptarë. Në atë moment, forcat e rendit ndërhynë duke i arrestuar të tre dhe duke sekuestruar kamionin, ku u zbulua ngarkesa e madhe e drogës.

Detaji që bie në sy është se disa nga pakot e kokainës mbanin logon e klubit të futbollit të Tiranës, ndërsa të tjerat kishin të stampuar një buburrec, flamurin e Brazilit dhe të Portugalisë. Ekspertët e policisë shpjegojnë se shenjat e ndryshme identifikuese përdoren nga rrjetet e trafikut për të ndarë drogën midis grupeve kriminale të ndryshme.

Operacioni konsiderohet një goditje e rëndësishme ndaj trafikut të drogës, ndërsa hetimet për të zbuluar origjinën dhe destinacionin e lëndës narkotike po vijojnë.

Të fundit