Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Iu morën rreth 16 mln lekë/ Mashtruan qytetarët në tre qytetet, prangosen dy persona

Politiko 11 Maj 2021, 12:08

Iu morën rreth 16 mln lekë/ Mashtruan qytetarët në tre

Dy persona janë arrestuar nga policia e Korçës, pasi dyshohet se bashkëpunonin me njëri-tjetrin duke mashtruar persona të tjerë, në qytetet e Tiranës, Korçës dhe Përmetit, për të përfituar shuma parash prej tyre.

Në pranga janë vënë shtetasi E. J., 36 vjeç, banues në Shkodër dhe shtetasja M. T., 26 vjeçe, banuese në Trevllazër, Vlorë. Njëri prej të ndaluarve dyshohet se ka kryer edhe 5 raste të tjera mashtrimi në Tiranë.

Sipas burimeve zyrtare, shtetasi E. J. ishte shpallur në kërkim për veprën penale "Mashtrimi" kryer në bashkëpunim, pasi dyshohet se nëpërmjet mashtrimit, iu ka marrë dy shtetasve në qytetin e Korçës, shumat 1800 euro dhe 800.000 lekë të reja (8 milionë lekë të vjetra). Gjatë arrestimit është konstatuar se ky shtetas ishte duke drejtuar mjetin dhe pa leje drejtimi.

Pas verifikimeve, 36-vjeçari ka rezultuar i shpallur në kërkim edhe nga Drejtoria Vendore e Policisë Tiranë, më 18 shkurt të këtij viti, për të njëjtën vepër penale.

Ndërsa ndalimi i shtetases M. T. u bë pasi Prokuroria pranë Gjykatës së Shkallës së Parë Përmet ka urdhëruar ndalimin e saj, për veprën penale "Mashtrimi" kryer në bashkëpunim, pasi dyshohet se i ka marrë një shtetasi nga fshati Petran, Përmet, nëpërmjet mashtrimit, shumën 5000 euro. Veprimet e mëtejshme procedurale në lidhje me këtë rast po kryhen nga Komisariati i Policisë Përmet.

Pra në total, dyshohet se këta shtetas iu kanë marrë qytetarëve përmes mashtrimit rreth 18 milionë lekë të vjetra.

Të fundit