Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Izolohen disa vatra zjarri, MM: Vijon operacioni në Karaburun, problematike situata në Majën e Rrunës

Politiko 5 Gusht 2021, 22:51

Izolohen disa vatra zjarri, MM: Vijon operacioni në Karaburun, problematike

Ministria e Mbrojtjes ka raportuar lidhur me situatën aktuale të zjarreve në vend. Sipas njoftimit të ministrisë, janë arritur të izolohen një pjesë e vatrave të zjarrit, teksa ka ende disa të tjera aktive.

Në zonën e Karaburunit vijon operacioni për neutralizimin e flakëve, ku pjesa më e madhe është përmbyllur dhe nuk ka rrezik momentalisht. Në Gjirokastër mbetet aktive vetëm një vatër zjarri  në fshatin Saraqinisht pa rrezik.

Në malin e Shëngjinit, në Shkodër dhe në Mallakastër vatrat janë vënë nën kontroll. Problematike mbetet situata në Majën e Rrunjës në Kukës, ku flakët kanë përfshirë pjesën më të madhe të amilit, teksa po mbahet bën kontroll për të mos rrezikuar shtëpitë.

NJOFTIMI 

Pas një pune të palodhur dhe të pandërprerë të efektivëve të Forcave të Armatosura dhe punonjësve të shërbimeve zjarrfikëse e pushtetit vendor janë arritur të izolohen disa nga vatrat e zjarrit në vend, por ende mbeten aktive disa të tjera.
Në Karaburun puna po vijon për shuarjen totale të flakëve, edhe pse është mbyllur pjesa më e madhe. Momentalisht nuk ka asnjë rrezik.
Në Gjirokastër situata është stabilizuar. Mbetet aktive një vatër në fshatin Saraqinisht, e cila nuk paraqet rrezik.
Edhe zjarri në fshatin Gadurovë, në Mallakastër është nën kontroll dhe pa rrezikshmëri.
Zjarri në fshatin Cukal, në Shkodër vijon të jetë aktiv, por pa rreziqe të evidentuara.
Në malin e Shëngjinit, në Lezhë vatra është izoluar.
Zjarri në fshatin Kalis, në Kukës po mbahet nën kontroll, ndërsa është eleminuar rreziku për banesat.
Ndërkaq problematike situata e zjarrit vijon të jetë në Majën e Rrunës, në Kukës. Flakët kanë përfshirë pjesën më të madhe të malit, por situata po mbahet nën kontroll për të mos rrezikuar banesa.

 

Të fundit