“Jam pa ngrënë”, drejtori i “Shefqet Ndroqit” komenton skandalin ‘Tirja’: E ndjera nuk ka folur me pjesën tjetër të personelit

Drejtori i Spitalit Shefqet Ndroq, Perlat Kapizysi ka komentuar skandalin e sanitares Tire Alldervishi që pas nisjes së hetimeve sa vjen e thellohet.

I ftuar në Open në Top Channel Kapizysi thotë se korrupsioni në mjekësi është një sëmundje botërore.

“Janë ngjarje tronditëse që na kanë shkaktuar të gjithëve, jo vetëm mua. Ngjarje që nuk duhet të njollosë dhe të zhdukin punën që bëhet në shërbimin shëndetësor. Korrupsioni në shërbimin shëndetësor është sëmundje botërore.

Pashë që e konsideronin sëmundje botërore dhe është plagë që shfaqet në trupin e sistemeve shëndetësore. Ndaj këtyre shfaqjeve, gjëja kryesore është që të mbahet një qëndrim i vazhdueshëm me të njëjtin instensitet”- tha Kapizysi.

Eni Vasili: Keni zhvilluar hetime të brendshme?

‘Hetimet e brendshme, kur prokuroria heton, thuhet se i dëmton. Por nuk kemi ndenjur indiferent. Ajo fatkeqësia jonë ishte që një personel i brendshëm hyri dhe ç’pengoi vigjilencën. Tirja ka shumë vite që punon, për punë vitesh do dilte në pension. Karakteri i njeriut përcakton edhe fatin e tij. Karakteri formohet nga ambienti, natyra dhe shoqëria.

Karakteri i saj ka ndikuar edhe tek elementë të tjerë. Kanë pasur karakterin e Tires, kanë gjetur një terren ku mentaliteti i shoqërisë është që shërbimi bëhet më cilësor nëse jep ndonjë gjë. Është trashëguar në vite… E ndjera nuk ka folur me pjesën tjetër të personelit duke i thënë që është pa ngrënë’- tha Kapizysi.

Kapisyzi tha se nuk kanë qëndruar indiferentë në lidhje me viktimën dhe sanitaren Tire Alldërvishi, e cila përfitoi një shumë të konsiderueshme parash nga familjarët, ndërsa e ndjera ankohej se qëndronte pa bukë e pa ujë.

“Nuk kemi qëndruar indiferentë. Tirja ka shumë vite që punon, ndoshta edhe disa vite del në pension. Karakteri i njeriut përcakton dhe fatin e tij. Darvini na ka mësuar se karakteri i njeriut ndikohet nga ambienti, natyra dhe shoqëria. Ky mentalitet nuk duhet të na bëjë që të ndihmojmë për të lulëzuar Tirja dhe persona të tjerë”, tha Kapisyzi.

Ndër të tjera, Kapisyzi theksoi se e ndjera nuk ka qëndruar në asnjë moment e paushqyer dhe pa trajtim mjekësor. E vetmja gjë që i ka munguar kanë qenë ushqimet që sillnin familjarët për Liljanën dhe ia jepte vetëm Tirja, e cila i kishte thënë të gjithë stafit se ishte mbesa e të ndjerës.

“Liljanën, të ndjerën, vizitohej çdo ditë nga mjekja e dhomës dhe në asnjë moment, mjekes së dhomës nuk i është thënë që më kanë lënë pa ngrënë bukë. Fatkeqësisht i harrova, kisha dëshminë e shoqes së dhomës që thoshte me përgjegjësi juridike që të ndjerës i janë bërë të gjitha shërbimet nga dhënia e ushqimit, deri në ndërrim, larje e tek mjekimet. Të ndjerën, në momente të caktuar, mjekja i ka dhënë ushqim.

Në momentin që bën insulinën, nëse qëndron pa bukë, bie në koma. E ndjera kërkonte ushqimin plus që vinte nga shtëpia dhe këtë ja sillte vetëm Tirja dhe këtë ia çonte mbesa sepse i thoshte të gjithë personelit se e kam teze. Po, ka qëndruar pa ushqimin që i sillte Tirja. Këtë e thotë gruaja që ishte shtatzënë në të njëjtën dhomë me të. I ka hyrë doktoresha në dhomë dhe ajo që është më sensitive që tek “Shefqet Ndroqi” që edhe të shtunën e të dielën ka mjekë që dalin dhomë më dhomë e pyesin.