Flash News

Sherr në varrezat e Durrësit, plagosen babë e bir

Aksidentohet për vdekje një grua në Tapizë, pranga shoferit 33-vjeçar

Mbrëmë i shpëtoi atentatit/ Kush është Katerina Beqo, gruaja që ishte në makinë me djalin e vogël kur i ekzekutuan burrin (Ngjarja)

Dyshohet se u përdor në vrasjen e Gjovalin Prendit, gjendet i djegur një automjet në Fushë Gjormë

“Shqipëria s’e mbajti dot”, Lara Colturi zgjedh Italinë për karrierën

E-TJERA

"Janë prodhuar shumë zarfe", Celibashi pranon problematikën e denoncuar nga PD

Politiko 16 Prill 2025, 11:52

"Janë prodhuar shumë zarfe", Celibashi pranon

Kreu i KQZ-së, Ilirjan Celibashi pranon shqetësimin e evidentuar nga Partia Demokratike lidhur me prodhimin e zarfeve B më shumë se votues për votën e diasporës.

Në një konferencë për media,n Celibashi tha se është shqetësim i drejtë duke sqaruar se nuk implikon procesin zgjedhor.

“Kompania që merret me prodhimin e zarfeve B, për shkak të problemeve teknike në shtypshkronjë, ka prodhuar një numër më të madh zarfesh B. Por kjo është një problematikë e karakterit kontraktual mes nesh dhe tyre, dhe nuk implikon procesin zgjedhor. Edhe sikur të prodhoheshin 1 mijë zarfa B për një votues, ato marrin vlerë vetëm kur futen në sistemin e KQZ-së, pra kur ne e skanojmë zarfin B – vetëm atëherë ai merr vlerën e tij.

Nëse për një zgjedhës është prodhuar më shumë se një zarf B, në sistemin e KQZ-së ngarkohet vetëm një, dhe sistemi të lajmëron që ky zarf është skanuar më parë. Edhe nëse në një rast të caktuar sistemi i KQZ-së nuk do të funksiononte, qoftë nga pikëpamja e infrastrukturës apo për shkak të një gabimi njerëzor, është sistemi i DHL-së që nuk të lejon të ngarkosh më shumë se një zarf B.

Funksionimi i sistemit bëri të mundur që të identifikohej se ishin prodhuar më shumë zarfa B për një zgjedhës të caktuar.

Duhet të qartësohet se nuk ka asnjë mundësi që një zgjedhës të marrë dy zarfa votimi. Ne kemi një sistem të dyfishtë kontrolli. Nëse një zarf shpërndahet dhe për rastësi një postier tjetër i dorëzon zgjedhësit një zarf të dytë, ai do të kthehet mbrapsht, sepse nuk del në sistem.

Ndaj, shqetësimi i paraqitur nga PD, ndonëse në disa aspekte i kuptueshëm, nuk qëndron realisht. Nuk ka asgjë për t’u shqetësuar. Kemi sqaruar përfaqësuesit e PD-së”, tha Celibashi.

Të fundit